Хаартыска: видеоттан скрин
Саха сериаллара саха дьонугар-сэргэтигэр номнуо олус суолталаах буолбуттара. «Саха» НКИХ сериалларын сулууспата тэриллибитэ номнуо биэс сыл буолла уонна ити кэмҥэ олохтоох кинематография сайдыытыгар сүҥкэн кылааты киллэрдэ. Ол курдук, үөрүүлээх бэлиэ даатанан олунньу 21 күнүгэр киэһэ 19.00 чааска «Сэргэлээх уоттара» култуура киинигэр «Сахалыы сериал ырыалара» диэн ураты кэнсиэр буолуоҕа.
«Саха» НКИХ сериалларын сулууспатын салайааччыта Марфа Пермякова быһаарбытынан, хас биирдии сериалга саундтректары оҥорон таһаараллар. Ити музыкальнай композициялар киинэ атмосфератыгар киирэргэ, дьоруойдар ис туруктарын үчүгэйдик билэргэ уонна киинэ, сериал сюжеттарын сөпкө ылынарга көмөлөһөр.
Хас биирдии сериал ырыата норуокка «хит» буолар. Бүтэһик сылларга үгүс сериал таҕыста, ону тэҥэ элбэх чаҕылхай ырыа сүрэхтэннэ.
«Ол иһин биһиги көрөөччү кутун-сүрүн көтөхпүт ырыалардаах ураты кэнсиэргэ ыҥырабыт», — диэн сулууспа салайааччыта иһитиннэрдэ.
«Сэргэлээх уоттарын» сыанатыгар Алексей Егоров, Кирилл Матвеев, Айгылаан, Санита Ай, Ника, Милена Борисова уонна да атын биллиилээх ырыаһыттар кыттыыны ылыахтара.
Марфа Пермякова бэлиэтээбитинэн, ырыаттан ураты көрөөччүлэр сөбүлүүр дьоруойдарын көрүөхтэрин сөп. Биэчэр кэмигэр сериаллартан быһа тардыылары көрдөрүөхтэрэ. Ону таһынан, артыыстары кытта хаартыскаҕа түһүөххэ сөп буолар. Дьон сэргэ биһирэбилин ылбыт ырыалардаах кэнсиэри көтүтүмэҥ, ылбаҕай ырыанан олоххутун киэргэтиҥ, кэлиҥ, сылдьыҥ, дуоһуйа сынньаныҥ!
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…