Хаартыска: Дьокуускай куорат дьаһалтатын пресс-сулууспата.
Кулун тутарга сэрии, үлэ, успуорт бэтэрээнэ Наум Трифонович Слепцов 99 сааһын туолла. Кинини Дьокуускай куорат дьаһалтатын социальнай көмүскэлгэ управлениетын салайааччы Семен Матвеев уонна ИДьМ култуураҕа киинин начаалынньыга Юта Асекритова дьиэтигэр тиийэн эҕэрдэлээтилэр.
Аҕа дойду көмсүкэлин иннинэ куорат дьаһалтата уонна ИДьМ култуураҕа киинэ Татарстан үтүөлээх артыыската, майор Эльвира Лазарева тылыгар уонна матыыбыгар “Это моя страна” диэн диэн ырыаҕа видеоклип оҥорбуттара. Бу клиби Аҕа дойду сэриитин кыттыылааҕа, педагогическай үлэ уонна успуорт бэтэрээнэ, РСФСР успуордун бэтэрээнэ, үс нэһилиэк уонна үс улуус Бочуоттаах олохтооҕо Наум Слепцовка анаабыттара.
Наум Трифонович – сүрдээх көхтөөх киһи. “Олоҕу таптыахха” диэн хоһооннор уонна ахтыылар кинигэлэрин таһаартарбыта. Сыл аайы бэтэрээннэр спартакиадаларыгар көхтөөхтүк кыттан, дуобакка уонна саахымакка күрэхтэһэр. 96 сааһыгар дуобакка успуорт маастара буолбута. Кини куорат дьаһалтата тэрийэр бары тэрээһиннэригэр кыттар, улуустарга айанныыр, ыччаты кытта көрсөр, сэһэргэһэр. Кини олоҕу таптыырынан, дьулуурунан, эдэрдии эрчиминэн, эр санаатынан ыччаттарга холобур буолар.
Наум Трифонович уон икки сиэннээх, сэттэ хос сиэннээх, кинилэри иитиһэргэ эмиэ көхтөөх кыттыыны ылар.
Дьокуускай куорат дьаһалтатын пресс-сулууспата.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…