Сэрии бэтэрээннэрэ төлөбүрдэри бу нэдиэлэ бүтүүтэ тутуохтара

Бүгүн, тохсунньу 13 күнүгэр, Саха сирин Ил Дархана Айсен Николаев былааннаммыт мунньахха СӨ бырабыыталыстыбатын уонна дьаһалтатын иннигэр чугаһынан кэмҥэ ситиһиллиэхтээх соруктары туруорда.

Кини Арассыыйаҕа Аҕа дойдуну көмүскээччи уонна Саха сиригэр Ийэ дойдуну көмүскээччи сылларынан, Кыайыы 80 сылынан былааннар олоххо киирэллэрин бэлиэтээтэ.

Эрэгийиэн баһылыга бу нэдиэлэ бүтүөр диэри сэрии бэтэрээннэригэр төлөбүрдэри ыытарга соруйда. Бу төлөбүр 2 мөл. солк. диэри үрдээбитэ. Итиэннэ олунньу 20 күнүгэр диэри сэрии кыттыылаахтарын огдооболоругар, Ленинград блокадатын кыттыылаахтарыгар, тыыл бэтэрээннэригэр уонна сэрии оҕолоругар төлөбүрдэри хааччыйарга эттэ.