Хаартыска: pxhere.com
Бу күннэргэ халлаан туругуттан тутулуктанар дьоҥҥо күн-дьыл уларыйыытынан сэрэхтээх буолалларыгар ыҥыраллар.
Сэтинньи 13 күнүгэр эбиэт кэннэ Ийэ сир үрдүгэр геомагнитнай дьайыылар үрдүүрэ күүтүллэр, диэн ИКИ Күн астрономиятын уонна ИСЗФ лабораторията иһитиннэрэр. Магнитнай буурҕа кэмигэр хайдах харыстанабыт?
Эбиэт кэннэ күнүс 14.00 чаастан саҕалаан геомагнитнай дьайыылар улаатара күүтүллэр. Эбиэт иннинэ, сарсыарда, магнитнай буурҕа таһыма 9 баалтан 4 баалга диэри үрдүөҕэ. Күн астрономиятын лабораториятын эспиэрдэрэ сэтинньи 13 күнүгэр магнитнай буурҕа түһэрин 25% сабаҕалыыллар, оттон күүстээх магнитнай буурҕа түһэрэ 10%-нан сыаналанар.
Учуонайдар магнитнай буурҕалары мэлдьи бэлиэтииллэр уонна кинилэр күүстэрин баалларынан сыаналыыллар. Күн эстиитин кыамтатын кээмэйин сыаналыырга Кр-индекс туһаныллар. Манна 0- тэн 9-ка диэри баалынан Ийэ сиргэ геомагнитнай дьайыылар туруга сыаналанар, ол курдук 9-тан саҕалаан күүстээх магнитнай буурҕа түһэрэ сыаналанар. Кр-индексинэн сэтинньи 13 күнүгэр 4 таһымнаах мөлтөх магнитнай буурҕа буолара күүтүллэр.
Магнитнай буурҕа кэмигэр быраастар күүстээх стресстэн, үлэттэн, хамсаныыттан куотунарга, ону тэҥэ ноҕоруусканы көрөн сөпкө үлэлииргэ сүбэлииллэр. Өскөтүн киһи магнитнай буурҕа кэмигэр киһи сылайар, сылаабайдыыр буоллаҕына, уруулга олорортон туттунуохтаах. Өскөтүн күүстээх дьайыы сибикилэннэҕинэ, балыыһаҕа тиийэн көрдөрүнэр ордук.
Харыйа Эмкэ туттарга, бастатан туран, харыйа иннэтин хомуйан хаһааналлар. Иннэтин састаабыгар элбэх С битэмиин баара…
Бу күннэргэ күн-дьыл туруга хайдаҕый? Тыалырар дуо? Төһө тымныы буоларый? Арктика кытылынан сорох сирдэринэн кыра…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…