Сэтинньи 14 күнэ: сорох оройуоннарынан -40°С кыраадыска тиийэ тымныйыа

Бүгүн, сэтинньи 14 күнүгэр, Саха сирин үгүс оройуоннарынан хаардыыр. Бу туһунан Саха сиринээҕи УГМС саайта иһитиннэрэр.

Салгын температурата түүн  -32…-37°,  арҕаа -35…-40°, хотугулуу-арҕаа -42…-47°, күнүс -25…-30°, соҕуруу, Халымаҕа -20…-25°, хотугулуу-арҕаа -35…-40°, арҕаа, хотугулуу-илин намыһах сирдэринэн -30…-35° кыраадыс тымныы.

Дьокуускайга сөҥүүтэ суох, хотугулуу-арҕааттан сөкүүндэҕэ 2-7 м. түргэннээх тыаллаах. Салгын температурата түүн  -29…-31°, күнүс -24…-26° кыраадыс тымныы.