Хаартыска: Семен Сивцев.
Сэтинньи 14 күнүгэр саайтпытыгар «Өймөкөөҥҥө -50 кыраадыс тымныйда» диэн иһитиннэрии тахсыбыта. Онно: «Сэтинньи 14 күнэ үүнэр түүнүгэр Өймөкөөҥҥө -50 кыраадыс тымныйда, сарсыарда салгын тымныытын-итиитин мээрэйдиир тэрил -48 кыраадыһы көрдөрдө (хаартыскаҕа). Өймөкөөҥҥө бу кэмҥэ бытарҕан тымныылар түһээччилэр. Ол эрээри, күнү-дьылы билгэлиир саайтарга көрдөххө, онно кэлэр нэдиэлэттэн сылыйар, хаардыыр» диэн суруллубута.
Онуоха социальнай ситиминэн аата-суола ыйыллыбатах ааҕааччы суруга тигинээн кэллэ:
«Өймөкөөҥҥө -50 буолла диэн информацияҕыт сымыйа курдук дии, ханна да бэлиэтэммэтэх. Эбэтэр ким баҕар, ханна баҕар, хайдах баҕар термометрын ыйаан баран онон кэмнээтэххэ, ол сөптөөҕүнэн ааҕыллара сөп буолта дуу?» (ааптар орфографията оннунан хаалла).
Ааҕааччыбыт туоһуласпыт дааннайын көрдөөн, Дьокуускайдааҕы гидрометеорология управлениетыгар эрийэ сырыттыбыт эрээри, күн-дьыл туругун архыыбын төлөбүргэ эрэ биэрэллэр эбит. Аны начаалынньык аатыгар сурук суруйаҕын, кини исписэлиистэргэ сорудах биэрэр, кинилэр Өймөкөөҥҥө баар метео-ыстаансыйалар үлэһиттэригэр тахсаллар, онон бириэмэтинэн да түргэнэ суох быһыылаах.
Онон метеоыстаансыйалар архыыптарын мунньар саайтары арыйан көрдүм. Бу маннык архыыбы мунньар сүрүн саайт — rp5.ru көрдөрөрүнэн, сэтинньи 14 күнэ үүнэр түүнүгэр -47 кыраадыс буолбут. «Погода и климат» саайт көрдөрөрүнэн, сэтинньи 13 күнүгэр түүн муҥутаан -49 кыраадыс, сэтинньи 14 күнүгэр түүн -48 кыраадыс бэлиэтэммит. Томтор метео-ыстаансыйатыгар -47 кыраадыс бэлиэтэммит.
Онтон -48 кыраадыс буолбутун хаартыскаҕа түһэрбит фотограф, кыраайы үөрэтээччи Семен Сивцевкэ-Өймөкөөн Сэмэнигэр эрийэн тиийдибит. Кини маннык эттэ:
— Өймөкөөҥҥө быйыл -50 кыраадыстаах тымныы түһэ илик. Сэтинньи 14 күнүгэр сарсыарда 7 чааска түһэрбитим. Түүн -50 бэлиэтэммэтэх дии саныыбын, тоҕо диэтэр, түүн уонна сарсыарда күн тахсыар диэри биир тэҥ кыраадыһын тутан турааччы. Бу кыраадыһы мээрэйдиир тэрилим таһырдьа тэрээһэ түннүгэр сиртэн 2 миэтэрэ курдук үөһэ турар. Бу тэрилбин киэһэ, сарсыарда, күнүс хайаан да көрөбүн, уопсайынан, күнү-дьылы кэтээн көрөбүн.
Өймөкөөҥҥө 5 метео-ыстаансыйа баар. Балар көрдөрүүлэрэ, ыраах-ыраах туралларын быһыытынан, 1-2 кыраадыһынан араастаһыахтарын сөп. Оннооҕор Дьокуускай куорат иһигэр 1-2 кыраадыһынан араастаһар буолааччы. Онон сэтинньи 14 күнүгэр Өймөкөөҥҥө -50 кыраадыс тымныы буолбатах, -48-49 кыраадыс тымныйбыт диэн этиэххэ наада.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…