Сэтинньи 24 күнэ: буурҕа түһэр, түүн -50°С диэри тымныйар

Саха сирин синоптиктарын сабаҕалааһыннарынан, бүгүн, сэтинньи 24 күнүгэр, өрөспүүбүлүкэ хотугулуу-илин, хотугулуу-арҕаа, соҕуруулуу-арҕаа улуустарынан, Халымаҕа, соҕуруу оройуоннарынан хаардыыр. Үгүс улуустарынан кыра тыаллаах, арҕаа оройуоннарынан уонна хоту байҕал кытылынан сөкүүндэҕэ 9-14 м. түргэннээх тыаллаах, буурҕа түһэр.

Салгын температурата түүн -38…-43°, хаардыыр кэмҥэ -30…-35°, хоту  -45….-50°, соҕуруу, соҕуруулуу-арҕаа улуустарынан -23…-28°, сорох улуустарынан -17…-22°, күнүс -30…-35°, сорох оройуоннарынан -24…-29°, намыһах сирдэринэн -41…-46°, соҕуруу, соҕуруулуу-арҕаа -15…-20°, атын улуустарынан -8…-13°.

Дьокуускайга сөҥүүтэ суох, хотугулуу-илинтэн сөкүүндэҕэ 1-5 м. түргэннээх тыаллаах. Салгын температурата түүн -37…-39°, күнүс -32…-34° кыраадыс тымныы.