Хаартыска: freepik.com
Ый аайы сир аргыһа түөрт фазаны ааһан ийэ сир олохтоохторугар араастык дьайар. Бу сылга күһүҥҥү бүтэһик ый үүнүүтэ сэтинньи 1 күнүгэр түбэһэр.
Бу кэмҥэ эспиэрдэр инникини торумнуурга уонна баҕа санаа сыалын ситиһэргэ бастакы хардыылары оҥорорго сүбэлииллэр. Саҥа ый үүнэрин кэмигэр 48 чаас устата дьикти уонна ураты кэм үөскүүр. Киһи баҕа санаатын толорорго кыах бэриллэр. Саҥа ый үүнүүтэ тугу эмит арыйарга, араас саҥа сыалы-соругу туруорунарга, баҕа санааны буларга көмөлүүр диэн суруйаллар.
Ый хаамыыта киһи олоҕор хайдах дьайарый? Тоҕо ый халандаара суолталааҕый?
Киһи 70-80% ууттан тутулуктаах, мас-үүнээйи ый хаамыытынан үүнэр, муора уутун түһүүтэ уонна тахсыыта эмиэ ый күүһүнэн хамсыыр. Ол иһин ый халандаарынан салайтарар эмиэ оруннаах суолталаах буолар эбит. Алгыстар, улахан тэрээһиннэр, уруулар, малааһыннар, саҥа саҕалааһыннар ый үүнэригэр оҥорор ордук эбит, онтон ый өлүүтүгэр ыраастанар ордук.
Санаттахха, Стручков Виктор Павлович-Дуулаҕа Дьуһаал күннээҕи олоххо ыйынньык буолар ааптарскай халандаарын билиһиннэрбитэ. Кини этэринэн, ый хаамыытынан 28 хонугу 13 ыйга төгүллээтэххэ 364 күн уонна эбии биир күн ыһыах күнэ тахсар.
Сэтинньи 1-15 күннэригэр ый хаамыытынын үүнэр кэмэ. Сир аргыһа күн аайы халлааҥҥа көстөрө улаатар. Оттон сэтинньи 16 күнүгэр толору ый үүнэр. Ол кэнниттэн сэтинньи 17-29 күннэригэр ый өлүүтэ саҕаланар — бү кэмҥэ үлэ түмүктэнэригэр уонна наадата суохтан аккаастанарга табыгастаах кэм.
Арҕааҥҥылар информационнай сэриигэ "кирдээхтик" киирсэллэр. Политолог Чокуур Гаврильев ырытыытын көрүҥ:
Аллайыаха улууһун кырыы сытар Бөрөлөөх нэһилиэгин дьахталлара байыаннай дьайыы кыттыылаахтарыгар көмөлөһөллөр. Ол курдук, “Гэван” кулууп…
Хаҥалас улууһун полициятын үлэһиттэрэ рейдэ кэмигэр Покровскай куорат 51 саастаах олохтооҕо дьиэтигэр ыаллыы дойду үс…
Алтынньы ыйга “Сыдьаайа” айар киинин үҥкүүһүттэрэ ыраах Турция сиригэр тиийэн, аан дойдутааҕы бэстибээлгэ Арассыыйа аатыттан…
Сэтинньи 9 күнүгэр, киэһэ 17.00 чааска, Былатыан Ойуунускай аатынан Саха театрыгар Россия народнай артыыһа, ССРС,…
Былыр эр киһи ойох ыларыгар кыыс төрөппүттэригэр анаммыт баайы-дуолу кутан биэрэрэ. Курум -- уол уруу…