Хаартыска: С.Львова.
Сэтинньи – Байанай ыйа. Сэтинньигэ сыһыаннаах билгэлэри, бэлиэ күннэри төһө билэҕит?
2.11 – ыанньыйбыт былыт халлааны бүрүйдэҕинэ, кыһына ичигэс, оттон тымныйан бүрүйдэҕинэ, кыһына тымныы.
6.11 – саҥа ый үүнэр.
8.11 – Миитэрэйэп. Халлааҥҥа ыанньыйбыт былыттар бүрүйэ налыйдахтарына кыһын ичигэс. Бу күн балык миинин курдук былытырдаҕына, тымныы кэлэр. Сылгы идэһэлэнэр кэм.
9.11 – муус ылыыта уурайар, муус хаҥыыр, сорох сиринэн 40 см тиийэр.
12.11 – ымыы чыычаах тэлгэһэҕэ мустар. Туллук тэлгэһэҕэ түһэн от сыатын сиир.
14.11 – өрүс бүтэһиктээхтик турар.
15.11 – өрүскэ муус халыҥа 40-45 см буолан, сыарҕа айана саҕаланар.
21.11 – сис былыт, оччоҕо ахсынньы 19 күнүгэр диэри ичигэс. Онтон ити күн кыраһалаатаҕына хаардаах дьыл буолар.
22.11 – ый туолуута. Былытырдаҕына, ахсынньы 4-гэр диэри ичигэс. Дьүкээбил уоттаннаҕына ичигэс былыт кэлэр. Бытарҕан тымныылар түһүөхтэрэ.
23.11 – тымныы өрөгөйдүүр.
25.11 – өскөтүн бу күн хаардаатаҕына, ахсынньы 4 күнүгэр сылыйар.
28.11 – сис былыттаах буоллаҕына, халлаан итийэр, от-мас кырыаран ылыа.
29.11 – үчүгэй күн – үтүө кыһыҥҥа, куһаҕан күн – куһаҕан кыһыҥҥа.
(“Саха төрүт культурата”, “Күн-дьыл эргиирэ”, “Народный календарь якутов” кинигэлэртэн).
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…