Хаартыска: М.Васильева (ЯСИА)
Cэтинньигэ нэһилиэстибинньиктэри, ону тэҥэ төлөпүөн нүөмэрдэрин уларытары сөбүлүүр дьону таарыйар сокуоннарга суолталаах уларыйыылар киириэхтэрэ.
Сэтинньиттэн Социальнай пуонда сорох биэнсийэни ылааччыларга былааннаммыт хос ааҕыыны (перерасчет) ыытыа. Индексация автоматическай эрэсиимнэн барыа. Ол курдук, 80 саастарын туолбут биэнсийэлээхтэргэ страховой биэнсийэҕэ олохтоммут төлөбүр икки төгүл улаатар – 8907,7 солкуобайтан 17 815,4 солкуобайга диэри. Эбиитин кинилэргэ көрүү-харайыы иһин эбии төлөбүр – 1314 солкуобай оннунан хаалар, өскөтүн онно наадыйар буоллахтарына.
Сэтинньи 1 күнүттэн урбаанньыт буолбатах дьоҥҥо нолуокка иэстэри учуоттуур уонна төлүүр саҥа бэрээдэк күүһүгэр киирэр. Аны нолуок иэһэ нолуок суумматын кытта сөбүлэһэриттэн-сөбүлэспэтиттэн тутулуктанан, суут бэрээдэгинэн да, сууту таһынан да ирдэнэр буолуо.
Сэтинньи 5 күнүттэн брокердар килийиэннэри кытта алтыһыыларын быраабылаларын саҥардыахтаахтар. Бу күнтэн үп-харчы ырыынагар брокердары түмэр бэйэни салайынар тэрилтэ (СРО) чилиэннэрэ оҥорор үп-харчы өҥөтүн ылааччыларын бырааптарын уонна интэриэстэрин көмүскүүр баазовай стандартын сүрүн балаһыанньалара күүстэригэр киирэллэр. Ол иһигэр брокердар килийиэннэргэ операциялар буолуон сөптөөх кутталларын (риск) туһунан эрдэттэн кэпсиэхтээхтэр.
Сэтинньи 24 күнүттэн нотариустар нэһилиэстибэ хаалларааччы кирэдьиит историятын бюротугар иэһэ баарын-суоҕун бэрэбиэркэлиир кыахтаныахтара. Ону тэҥэ нотариустар нэһилиэстибэҕэ бырааптарын туһунан сайабылыанньа биэрбит дьоҥҥо нэһилиэстибэ хаалларааччы иэһэ баарын-суоҕун туһунан этиэхтээхтэр. Нотариус өлбүт киһи иэстэрин туһунан информацияны нэһилиэстибинньиктэргэ олорор аадырыстарынан суругунан, эбэтэр электроннай буостанан, эбэтэр тус көрсүһүүгэ билиһиннэриэхтээх.
Сэтинньи 1 күнүттэн Арассыыйа олохтоохторо бэйэлэригэр сүүрбэттэн элбэх SIM-каартаны оҥотторор кыахтара суох буолуо. Оператордарга, өскөтүн бас билээччи дааннайдара бигэргэтиллибэтэх буоллахтарына, эбэтэр биир киһиэхэ оҥотторбут SIM-каарталарын ахсаана бэрэбиэркэлэммэтэх буоллаҕына, нүөмэрдэри өҥөнөн хааччыйыы бобуллуо. Бу дьаһаллар анонимнай нүөмэрдэри уонна төлөпүөнүнэн түөкүннээһини утары охсуһууга туһуланаллар.
Сэтинньи 1 күнүттэн метанол уонна метаноллаах убаҕастар эргиирин судаарыстыбаннай реестиргэ киирбит тэрилтэлэр уонна урбаанньыттар эрэ ыытар кыахтаныахтара. Реестиргэ киирбэтэхтэргэ метанол эргиирэ бобуллуо.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…