Сэтинньи ортотуттан Дьокуускайга оптуобустар саҥа хайысхаларынан айанныахтара

Кыстыгы көрсө оптуобустар айанныыр хайысхалара уларыйара үгүс киһини долгуппута. Хас да сыллар усталара үөрэнэн хаалбыт хайысхаларынан аны сылдьыбат буолуулара, оҕолорго, аҕам саастаах дьоҥҥо уустуктары үөскэтэрин бэлиэтээбиттэрэ. Сэтинньи ортотуттан Дьокуускайга оптуобустар  саҥа хайысхаларынан сырыыларын саҕалыахтара.

Дьокуускай куорат суол уонна тырааныспар сулууспатын салайааччыта Эдуард Садовников бу тула санаатын үллэһиннэ:

— Дьокуускай куоракка оптуобустар айанныыр  хайысхалара сэтинньи 20 күнүттэн уларыйыаҕа. Тоҕо диэтэххэ, оптуобус суоппардарын уонна куорат дьаһалтатын икки ардыгар түһэрсиллибит дуогабардар болдьохторо бүтэр. Манан сибээстээн  аһаҕас куонкурус биллэрбиппит. Саҥа дуогабар усулуобуйата оптуобус суоппардарыгар нэһилиэнньэ иннигэр эбии эбээһинэстэри сүктэриэҕэ. Онон куонкуруһунан ыытыллар үлэлэр барыта түмүктэммитин кэннэ диэн былааннаабыппыт.

Бэлиэтээн суруйдахха, 2, 4, 5, 6, 7, 12,14.16, 19 уонна 35 -с №-дээх оптуобустар уларыйбыт схеманан айанныахтара.