Семен Никифоров хаартыскаҕа түһэриитэ.
Бу сыл сэтинньитигэр судаарыстыбаннай, бэлитиичэскэй уонна хаһаайыстыбаннай диэйэтэл Степан Аржаков 125 сылын бэлиэтиэхтэрэ. Судаарыстыбаннай диэйэтэл Степан Аржаков төрөөбүтэ 125 үбүлүөйдээх сылын бэлиэтээһин сүрүн тэрээһиннэрэ Бүлүү улууһугар ыытыллыахтара.
Саха автономиятын төрүттэниитигэр төһүү күүс буолбут Степан Аржаков үбүлүөйдээх сылын туһунан тэрийэр кэмитиэт мунньаҕа бэҕэһээ, муус устар 26 күнүгэр, Бүлүү куоратыгар Ил Дархан уонна Бырабыыталыстыба дьаһалтатын салайааччы Георгий Михайлов салалтатынан ыытыллыбыта. Мунньах кыттааччылара тэрээһин былааннарын кэпсэтиспиттэрэ, санаа атастаспыттара.
Георгий Михайлов этэринэн, Степан Аржаков төрөөбүт күнүгэр Дьокуускайга уонна Бүлүүгэ сибэкки дьөрбөтүн ууруу, тэрээһиннэр ыытыллыахтара. Ону сэргэ Дьокуускайга Степан Аржаков олоҕун сырдатар Дмитрий Наумов суруйбут испэктээгин премьерата буолуоҕа. Судаарыстыбаннай диэйэтэл олоҕор анаммыт биэриилэр национальнай телевидение ханаалыгар уонна араадьыйаҕа тахсыахтара. Ону таһынан кылгас кээмэйдээх киинэлэр куонкурустара, балаҕан ыйыгар ат сүүрдүүтүн күрэхтэһиитэ ыытыллыаҕа. Үөрэх кыһаларыгар научнай-практическай кэмпириэнсийэлэр, кылаас-чаастара ыытыллыахтара.
Тэрийэр бөлөх Степан Аржаков олоҕор анаммыт кинигэ бэчээттэниитин былаанныыр. «Арасссыйа — мин устуоруйам» пааркаҕа мультимедийнай быыстапканы туруорар санаалаах. Маны сэргэ, бүгүҥҥү күҥҥэ Бүлүүгэ судаарыстыбаннай диэйэтэллэр олохторугар анаммыт түмэл тутуутун боппуруоһун көрөллөр.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…