Арктикатааҕы агротехнологическай университет, бүгүн, сэтинньи 12 күнүгэр “Күһүҥҥү күүлэйи” тэрийэн ыытта. Дьокуускайга төһө да 20 кыраадыстаах тымныы турдар, 42 киһи Сайсары күөл хомуһун оҕустулар диэн СИА суруйар.
Уһуйааччылар этэллэринэн, маннык күрэстэр устудьуоннары төрүт үгэстэргэ, илии үлэтигэр үөрэтэллэр. Эдэр дьон хотуурунан оту охсору сатыахтаахтар. Күрэхтэһиигэ 6-лыы киһилээх 7 хамаанда кытынна. Бэл диэтэр, АГАТУ Өктөмнөөҕү филиалыттан кэллилэр.
Хас биирдии хамаанда 0,2 гектаар иэннээх сири 2 чаас иһигэр охсон бүтэриэхтээх. Бүгүн бэртээхэй күн-дьыл туран биэрдэ, онон охсооччулар тымныыны да билбэккэ хааллылар. Күлүмүрдэс күн, күөх халлаан уонна өрө күүрэр эдэр эрчим — өссө туох наада?
“Күһүҥҥү күүлэйгэ” ойуур комплексын уонна сири оҥоруу факультетын хамаандата муҥутуур кыайыылаах аатын ылла. Кинилэр бэриллибит сирдэрин түргэнник уонна хаачыстыбалаахтык охсон бүтэрдилэр. 2-с миэстэни ветеринарнай мэдиссиинэ факультетын хамаандата ылла. 3-с миэстэҕэ историческай факультет бастакы хамаандата таҕыста.
Бары хамаандаларга сэртипикээттэри уонна харчынан бириэмийэлэри туттардылар. Бириис уопсай пуондата – 84 тыһыынча солкуобай.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …