Хаартыска: ЯСИА
Нолуок төлөөччү утарыласпат түгэнигэр, Федеральнай нолуок сулууспата нолуок иэһин уонна ыстараабын суутунан тиэрдибэккэ ирдэһэн ылар кыахтаныа. Тустаах сокуоҥҥа дойду Бэрэсидьиэнэ Владимир Путин илии баттаата.
Бу туһунан Федеральнай нолуок сулууспатын пресс-сулууспата иһитиннэрэр. Бэрэсидьиэн Нолуок кодексатыгар уларытыылары киллэрэр туһунан сокуоҥҥа илии баттаата. Саҥа сокуон бу сыл сэтинньи 1 күнүттэн үлэлиэҕэ. Урут нолуокка иэс сууматын суут нөҥүө эрэ ирдэһэн ылыллара. Докумуон нуормалыыр-быраап аахталарын официальнай саайтыгар таҕыста.
Бу саҥа уларыйыы мөккүөрэ суох улахан иэстээх дьоҥҥо эрэ сыһыаннаах. Өскөтүн нолуокка иэстээх киһи сууманы кытта сөбүлэспэт буоллаҕына, нолуок сулууспатыттан иһитиннэриини туппут күнүттэн 30 хонук иһигэр утарсыы сурук биэрэр бырааптаах. Оттон утарсыы сурук киирбэтэҕинэ, нолуок сулууспата сууманы быһаччы устан ылар кыахтанар.
Бастаан үбү-харчыны баан счеттарыттан, электроннай кошелектартан уонна сыыппара солкуобайдартан тутуллуоҕа. Үп-харчы суумата тиийбэт түгэнигэр, бастакы наадалаах маллартан ураты, иэһи баайга-дуолга туһаайыахтарын сөп. Саҥа сокуон иэс сууматын хомуйууну түргэтэтиигэ уонна судургутутууга, ону таһынан суут ноҕуруускатын аччатыыга туһуланар.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…