«Сэттэ көлүөнэ» аймаҕынан волейболга күрэхтэстилэр

Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччилэр уонна Улуу Кыайыы 80 сылынан Горнай улууһугар Атамайга «Сэттэ көлүөнэ» диэн аймаҕынан, дьиэ кэргэнинэн түмсэн волейболга күрэхтэстилэр. 

Дьиэ кэргэттэр, аймахтар түмсүбүт хамаандаларын икки ардыларыгар төрдүс сырыытын ыытыллар волейбол күрэхтэһиитигэр улуустан биэс дьиэ кэргэн хамаандата күрэхтэстэ. Тэрээһин үрдүк таһымнаахтык, өрө көтөҕүллүүлээхтик, күүрээннээхтик буолан ааста.

Күөн күрэскэ Бэрдьигэстээхтэн Моруот хамаандата, Андреевтар аймах оонньооччулара, Атамайтан 2 хамаанда — Баабыыт Дьаакып утумнара Дьаакыбылаптар, Баһылайаптар аймах спортсменнара, ыаллыы сытар Ойуун Ууһуттан Ивановтар аймах волейболга оонньуур ыччаттарын, орто саастаахтарын, бэтэрээннэрин, эр дьоҥҥо уонна дьахталларга хамаандалара кытыннылар.

Эрбии тииһин курдук эгил-тэгил киирсиилээх икки күннээх күрэс түмүгүнэн, эр дьоҥҥо Дьаакыбылаптар хамаандалара 1 миэстэ буолла. Иккис бириистээх миэстэҕэ Моруот хамаандата, үһүскэ Күөрэлээхтэн Ивановтар таҕыстылар. Төрдүс бириистээх миэстэни Баһылайаптар, бэсиһи Андреевтар аймах хамаандалара ыллылар.

Дьахталларга 1-кы миэстэҕэ Моруот хамаандата таҕыста. Андреевтар иккис, Ивановтар үһүс буоллулар. Төрдүһү Дьаакыбылаптар, бэсиһи Баһылайаптар хамаандалара ыллылар.

Волейболга уопсай оонньуу түмүгүнэн эр дьоҥҥо уонна дьахталларга холбоон 1 миэстэҕэ тахсыбыт Моруот аймах хамаандата бу турнирга иккис сырыытын көһө сылдьар кубогы ылары ситистэ.

“Сэттэ көлүөнэ” волейболга күрэхтэһии түмүгүнэн эр дьоҥҥо:
* «Бастыҥ оонньооччу» анал аат – Дмитрий Александров (Ивановтар, Күөрэлээх)
* «Бастыҥ охсооччу» анал аат — Саргылаан Яковлев (Яковлевтар, Атамай)
* «Бастыҥ көмүскээччи» анал аат – Дмитрий Максимов (Моруот, Бэрдьигэстээх)
* «Туһалаах оонньотооччу» анал аат – Владимир Варфоломеев (Ивановтар, Күөрэлээх)
* «Саастаах оонньооччу» анал аат – Николай Гермогенов (Андреевтар, Бэрдьигэстээх)
* «Кэскиллээх оонньооччу» анал аат — Милан Андреев (Андреевтар, Бэрдьигэстээх) ыллылар.

Дьахталларга:
* «Бастыҥ оонньооччу» анал аат — Айталина Дагданча (Моруот, Бэрдьигэстээх)
* «Бастыҥ охсооччу» анал аат – Саина Осетрова (Моруот, Бэрдьигэстээх)
* «Бастыҥ көмүскээччи» анал аат — Валерия Николаева (Андреевтар, Бэрдьигэстээх)
* «Туһалаах оонньотооччу» анал аат – Александра Петрова (Ивановтар, Күөрэлээх)
* “Дэгиттэр оонньооччу» анал аат – Александра Иванова (Андреевтар, Бэрдьигэстээх)
* «Саастаах оонньооччу» анал аат – Хонооһой кыыһа Майаана (Моруот, Бэрдьигэстээх)
* «Кэскиллээх оонньооччу» анал аат — Сахайаана Степанова (Васильевтар, Атамай) буоллулар.

Ону таһынан төрдүс төгүлүн үрдүк таһымнаахтык, бэрт сэргэхтик, көхтөөхтүк ыытыллыбыт «Сэттэ көлүөнэ” волейбол турнирыгар күн бүгүнүгэр диэри кыттан кэлбит Атамайтан Баабыыт Дьаакып утумнара Мария, Прокопий Дьаакыбылаптар «Мээчиги өрө туппут дьиэ кэргэн» диэн анал ааттааннар Күөрэлээхтэн сылдьар Ивановтарга бэлэх туттардылар.
Ону таһынан, ыстаарсай сержант, «Мужество» уордьан кавалера, байыаннай дьайыы кыттыылааҕа Аввакумов Анатолий Анатольевич уонна кини аймахтарын аатыттан «Кэскиллээх оонньооччу» диэн анал бириистэри Юлиана Геннадиевна Аввакумова турнир эдэр оонньооччуларыгар Аввакумова Аурелияҕа уонна Алексеев Аскольдка туттарда.
Күрэхтэһии үрдүк таһымнаахтык ааһарыгар, болҕомтону тардарыгар уонна эдэр дьону чэгиэн олоххо көҕүлүүрүгэр соруктаах өйөбүл буолар дьоммутугар, анал бириистэри туруорбут “Атамай” бааһынай хаьаайыстыба салайааччытыгар Петров Алексей Алексеевичка, ИП Филиппов Дмитрий Александрович “Астык» маҕаһыынын кэлэктиибигэр, Атамай сынньалаҥ киинигэр, ИП Осипов маҕаһыыныгар, Мария, Прокопий Яковлевтар дьиэ кэргэннэригэр, Баһылайаптар аймахтарга, 1994 сыллаахтан күн бүгүҥҥэ диэри волейболлуур, успуорду өйүүр дьахталларга, Атамай бэтэрээннэрин хамаандатыгар, успуонсардаабыт бары дьоммутугар, хамаандаларбытыгар, олохтоох дьаһалтаҕа уонна спортсменнарбытын минньигэс аһынан хааччыйбыт Филиппова Юлия Егоровнаҕа барҕа махтал тылларын этэбит.

Бу «Сэттэ көлүөнэ» диэн аймахтыылар хамаандаларын икки ардыларыгар волейбол турнирын күрэҕэ аймаҕы түмэр, биир санаалыыр, ыкса сибээс олохтуур диэн тураммыт, волейбол бырааһынньыгын бэлэхтээбит «Сэттэ көлүөнэ» аймах волейболун күрэхтэһиитин толкуйдаабыт, олохтообут Хонооһой кыыһыгар Майаана Моруотка Атамай олохтоохторун, күрэскэ кыттыбыт спортсменнар ааттарыттан махтанабыт.

Мария Яковлева,

Атамай, Горнай.

Хаартыскалар Мария Яковлева тиксэриилэрэ