Сэттэ ойуур баһаара умуруорулунна

Ааспыт сууккаҕа биэс ойуур баһаара умуруоруллубут. Уот хаппыт уопсай иэнэ 683 гектар. Ону сэргэ, икки ландшафтнай баһаары умуруорбуттар. Уот хаппыт уопсай иэнэ 6 гектар.

Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплёв иһитиннэрдэ.

Ойуур уотун Ленскэй, Томпо, Муома, Эбээн Бытантай улуустарын уонна Дьокуускай куорат сирдэригэр-уоттарыгар умуруордулар.

Ити кэмҥэ 25 гектардаах сиринэн тайаабыт биэс ойуур баһаара булуллубут. Ону сэргэ, үс ландшафтнай баһаар (уот хаппыт иэнэ 14 гектар). Ойуур баһаардара Бүлүү, Үөһээ Бүлүү, Кэбээйи, Нерюнгри уонна Уус Маайа оройуоннарыгар, Жатайга уонна Дьокуускайга бэлиэтэммиттэр.

Өрөспүүбүлүкэ сиригэр-уотугар барыта 8 ойуур баһаара (уот хаппыт уопсай иэнэ 1 706 гектар) Бүлүүгэ, Үөһээ Бүлүүгэ, Кэбээйигэ, Муомаҕа, Нерюнгрига, Томпоҕо, Уус Маайаҕа бэлиэтэнэллэр. Ону сэргэ, икки ландшафтнай баһаар Бүлүүгэ уонна Жатай сиригэр-уотугар баар.

Ойуур уотун утары 85 киһи уонна 4 тиэхиньикэ үлэлиир. Як-40 зондировщик-сөмөлүөт Өлүөхүмэҕэ, Бүлүүгэ, Үөһээ Бүлүүгэ, Горнайга, Кэбээйигэ, Хаҥаласка, Алдаҥҥа үлэлээбит.

Сиһилии https://www.sakha.gov.ru/news/5549 манна киирэн көрүөххэ сөп.

СӨ Ил Дарханын уонна Бырабыыталыстыбатын пресс-сулууспата