Сэттэ ый устатыгар 6 269 оҕо күн сирин көрбүт

Саха сиригэр от ыйыгар 951 оҕо төрөөбүт. 480 уол уонна 471 кыыс.

Онтон сэттэ ый түмүгүнэн барыта 6 269 оҕо күн сирин көрбүт. Итинтэн 3 136 уол оҕо, 3 133 кыргыттар.

ЗАГС управлениета иһитиннэрбитинэн, от ыйыгар төрөппүттэр уолаттарыгар ордук Максим, Айдын, Артур, Лев, Николай уонна Тимофей диэн ааттары биэрбиттэр. Ол быыһыгар Атом, Елисей, Лука, Ростислав, Соломон, Юлиан диэн ааттар эмиэ бааллар.

Кыргыттарын от ыйыгар төрөппүттэр ордук Мия, Айаана, Кэрэли, Милана, Полина уонна София диэн ааттаабыттар. Ол быыһыгар биирдиилээн да буоллар Ада, Илана, Мира, Ника, Урсула, Ясения диэн ааттааччылар эмиэ бааллар.

СӨ Ил Дарханын уонна Бырабыыталыстыбатын пресс-сулууспата