Сэттис ыҥырыылаах Ил Түмэн бэрэссэдээтэлинэн Алексей Еремеев талылынна

Бүгүн сэттис ыҥырыылаах Ил Түмэн бастакы пленарнай мунньаҕар «Биир ньыгыл Арассыыйа» баартыйа фракциятыттан Ил Түмэн бэрэссэдээтэлин дуоһунаһыгар Алексей Еремеев талылынна. Кини ааспыт алтыс ыҥырыыга эмиэ бэрэссэдээтэллээбит улахан уопуттаах.

Норуот дьокутааттара Сахамин Афанасьев уонна Игорь Григорьев Алексей Еремеев сөптөөх хандьыдаат буоларын, улахан уопуттааҕын эттилэр, биир идэлээхтэрэ өйүүллэригэр ыҥырдылар. Салгыы Ил Дархан Айсен Николаев хандьыдаат Алексей Еремеев ааспыт ыҥырыыга үлэтин-хамнаһын, парламеҥҥа оҥорбут үтүөтүн ааттаан туран, өрөспүүбүлүкэ ситэриилээх былааһын кытары ыкса сибээһи олохтообутун этэн туран, кини кандидатуратын өйүүргэ ыҥырда.

Норуот дьокутааттарын өйүүр тылларын кэнниттэн куоластааһыҥҥа киирдилэр. Кистэлэҥ куоластааһын кэнниттэн 68 дьокутаат баарыттан 61 киһи өйүүрүн, 6 утарарын, 1 туттуммутун биллэрдэ.

Онон Ил Түмэн бэрэссэдээтэлинэн Алексей Еремеев талылынна.