Соҕуруу Кэриэйэ Сеулугар иэдээн буолла. Ол курдук, Хэллоуиҥҥа аналлаах биэчэргэ үтүрүһүү буолбутугар, 149 киһи өлбүтэ билиннэ, чопчу сыыппара биллибэт.
Эрдэтээҥҥи дааннайынан 146 киһи өлбүтэ уонна 150 киһи араас эчэйиини ылбыт. Баһаарынайдар, быыһааччылар иккитэ төхтүрүйэн туран эчэйбит дьону көрдөөн быыһаабыттар. Барыта 848 быыһааччы үлэлээбит.
Үтүрүһүү бэҕэһээ, алтынньы 29 күнүгэр, олохтоох бириэмэнэн 22:22 чаас диэки (Москва киэнинэн 16:22) Сеулга Итхэвон оройуоҥҥа Hamilton диэн отель аттыгар буолбут. Переулок киэҥ уулуссаҕа тахсар эбит эрээри, суол түһүүлээх уонна кыбычыын эбит. Ону тэҥэ, үктэлэ тэҥэ суох буолан, дьон онтон иҥнэн охтуохтарын эмиэ сөп. Төһө да үтүрүһүү буолбутун үрдүнэн дьон мустуута тохтооботох. Итхэвон оройуоҥҥа Хэллоуиҥҥа аналлаах биэчэрдэри өрүү тэрийэллэр эбит. Бу күн муусуканы күүскэ тыаһыппыттар, элбэх дьон араас мааскалаах кэлбиттэр. Үтүрүһүү саҕаламмытыгар кыбычыын переулокка турар дьон кэннинээҕилэргэ төттөрү сыҕарыйалларыгар көрдөспүттэр. Ол эрээри, муусука аһара улаханыттан сылтаан дьон көрдөһүүтүн ким да истибэтэх диэн Рёнхап агентствота иһитиннэрэр. Сеул салалтата балаһыанньаны быһаарыыга тута ылсыбыт.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…