«Северяночка» үҥкүү ансаамбыла Кытай бэстибээлин Гран-притын ылла

Нерюнгри куорат үбүлүөйүгэр «Северяночка» норуодунай үҥкүү ансаамбыла (уус-уран салайааччы – Арассыыйа Федерациятын култууратын үтүөлээх үлэһитэ Вероника Шмелева) төрөөбүт куоратыгар улахан бэлэҕи оҥордо.

Кэлэктиип Кытай Норуодунай Өрөспүүбүлүкэтин Чэндэ куоратыгар ыытыллыбыт «Императорская мозаика-2025» аан дойдутааҕы бэстибээл-күрэҕэр чаҕылхайдык кыттан, үрдүк таһымнаах тэрээһин сүрүн бирииһин – Гран-притын ылары ситистэ.

Билигин кыайыылаахтар дойдуларыгар төннөөрү аэропортка айаннаан иһэллэр. Кыайыылаахтары төрөөбүт куораттарыгар эҕэрдэлээри олус күүтэллэр, диэн Нерюнгри куорат дьаһалтатын пресс-сулууспата суруйар.