Шахтаҕа киһи өллө

Нерюнгри куорат силиэстийэлиир отдела алтынньы 8 күнүгэр Нерюнгрига шахтаҕа хайа боруодата сиҥнибит чахчытынан бэрэбиэркэни ыытар.

Быһылааҥҥа түбэспит тэрилтэ үс үлэһитэ тахсыбыт, биир үлэһит өлбүт.

Билигин быһылаан буолбут сиригэр Нерюнгри куорат силиэстийэлиир отделын салайааччытын э.т. салалтатынан силиэстийэлиир-суһал бөлөх үлэлиир. Быһылаан тахсыбыт сирин сыныйан үөрэтэллэр, хайа боруодата сиҥниитин төрүөтүн уонна балаһыанньатын быһаарарга уталытыллыбат дьаһаллар ылыллаллар.

Бэрэбиэркэ түмүгүнэн холуобунай-процессуальнай сокуоҥҥа сөп түбэһиннэрэн быһаарыы ылыллыаҕа.

Санатан эттэххэ, “Восточнай Денисовскай” шахта – “Колмар” чоҕу хостуур хампаанньа Нерюнгри оройуонугар үлэлэтэр шахтата.