Хаартыска sakha.gov.ru ылылынна
Шахтер күнүнэн Ил Дархан эҕэрдэтэ.
Ытыктабыллаах үлэһиттэр уонна бэтэрээннэр!
Саха Өрөспүүбүлүкэтин салалтатын уонна тус бэйэм ааппыттан шахтер күнүнэн эҕэрдэлиибин!
Саха сирин тыйыс усулуобуйатыгар бу чэпчэкитэ суох идэни талан ылбыт киһиттэн ураты хаачыстыба, үрдүк профессиональнай билии, сатабыл ирдэнэр. Өрөспүүбүлүкэ шахтердара туруоруллубут сыалы-соругу, сорудаҕы толорууга дьаныардаахтык ылсалларынан, үрдүк эппиэтинэстээхтэринэн, хорсуннарынан-хоодуоттарынан, дьүккүөрдээхтэринэн уонна үлэлэрин чахчы баһылаабыт дьон буолалларынан уратылар.
Саха сирин бары олохтоохторо хайа бырамыысыланнаһа өрөспүүбүлүкэ социальнай-экэнэмиичэскэй сайдыытыгар улахан суолталааҕын өйдүүллэр. Эһиги сыралаах үлэҕит-хамнаскыт дьоҥҥо-сэргэҕэ инникигэ бигэ эрэли саҕар.
Саха сиригэр кэнники биэс сылга шахтердар үрдүк эппиэтинэстээх уонна дьаныардлаах үлэлэринэн 127,1 мөл. туонна чох хостонно. Өрөспүүбүлүкэ уонна дойду экэниэмикэтигэр бу «хара көмүс» бигэ тирэх буолар.
Бүгүн бу үлэҕэ кыһамньыларын ууран сыраласпыт Саха сирин шахтердарын улахан баай үөрүйэхтэрин, билиилэрин, сатабылларын, дьоруойдуу хорсун үлэлэрин туһанан, саҥа ньымалары олоххо сатабыллаахтык киллэрэллэр. Ол түмүгэр бэрт улахан ситиһиллэр. Ол курдук, ааспыт сыл Уһук Илиҥҥэ бастыҥнар кэккэлэригэр киирдилэр, лиидэринэн билиниилэрэ ситиһиллибитэ. Өрөспүүбүлүкэҕэ чоҕу хостооһун 2022 сылга 39,2 мөл. тоннаҕа тэҥнэспитэ. Ол эбэтэр, 2021 сылы кытары тэҥнээтэххэ 26,4 %- нан элбэх.
Бу үөрүүлээх бэлиэ күҥҥэ биһиги бэтэрээн-шахтердарбытыгар улахан махталбын тиэрдэбин. Саха сирэ уонна дойду бүттүүнэ киэн туттар Нерюнгри куората үөскээн тахсыбыт устуоруйата эһиги ааккытын кытта ыкса ситимнээх.
Эһиэхэ эйэлээх олоҕу, доруобуйаны, этэҥҥэ буолууну, бары үтүө, сырдык баҕа санааларгыт туолалларыгар баҕарабын!
СӨ Ил Дархана А.С. Николаев
Сэтинньигэ ОСАГО полиһа баарын видеоҕа түһэрэн бэлиэтиир систиэмэ киириитэ, тырааныспар нолуогун суукка тиэрдибэккэ тутан ылыы…
Саха сиринээҕи Роспотребнадзор управлениета саайтыгар Гонконг кириибин туһунан социальнай ситимнэринэн тарҕанар иһитиннэриигэ быһаарыы таһаарда. Өрөспүүбүлүкэҕэ…
Бу күн Сатурн планета сабыдыалыгар ааһар, онон дьоһуннаах буолууну, эппиэтинэһи уонна тулуурдаах быһыыны эрэйэр. Кураанах…
Сэтинньи бастакы күнүгэр Саха сирин үгүс өттүгэр кыралаан хаар түһэрэ сабаҕаланар. Бу туһунан Саха сиринээҕи…
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…