«Шайн мускат» виноград: туһалаах дуу, буортулаах дуу?

Саха сиригэр маҕаһыыннарынан уонна ырыынактарынан нуорманы таһынан улахан винограды атыылаһыахха сөп. Бу «Шайн мускат» диэн виноград саҥа суорда атыыланар. Атын виноград фруктаттан уратыта диэн отоно пин-понг мээчигин саҕа улахан.

Сорох дойдуларга бу винограды пестицид токсиннарын мунньунар кыахтааҕын иһин бобо сатаабыттара биллэр. Мантан өссө биир уратылаах, холобур, мутант-винограды атыылаһартан  аккаастаныахха сөп. Дьэ тоҕо? Бу туһунан АИФ суруйар.

«Бастакытынан, виноград амтана тосту атын, отоно желе курдук — клетчатката суоҕун кэриэтэ», — диэн эндокринолог-быраас Ирина Тин кэпсиир.

«Онуоха саахара олус элбэх. «Шайн мускаты» көннөрү күөх мускаты кытта тэҥнээн көрөр буоллахха, бастакыта 100 г 0,9 г клетчаткалаах, иккиһэ — 3,9 г — ол эбэтэр түөрт төгүл элбэх. Саахар туһунан этэр буоллахха, мутант-виноградка үс төгүл элбэх. Онон саахара үрдүк буолан доруобуйаҕа туһаны биэрэр көдьүүһэ суоҕун кэриэтэ. Көннөрү кишмиш быдан туһалаах буолуо.

Иккиһинэн, саахара элбэх буолан, олус минньигэс фрукта киһи оһоҕоһун ис тутулун, кислотнаһын уларытар, патогеннай бактериялар элбиир кыахтаналлар. Киһи куртаҕа ыалдьар, иһэ үллэр, гаас үөскүүр», — диэн эттэ эндокринолог-быраас. Онон бу фруктаны кээмэйдээн сиир улахан суолталаах.

«Доруобай киһиэхэ эбии минньигэс, экзотика эрэ курдук амсайыахха сөп. Арай саахарнай диабеттаах, уойууга ылларымтыа дьоҥҥо бу бородууктаны сиир табыгаһа суох», — диир быраас.