Айылҕаҕа тахсан сынньаныы, шашлык кэмнэрэ саҕаланнылар. Шашлыгы хайдах буһарары бары билэр курдукпут, ким хайдах сатанарынан астанар.
Ол да буоллар, Уопсастыба доруобуйатын уонна ыарыыны сэрэтии өрөспүүбүлүкэтээҕи киинин диетолог-бырааһа Анастасия Саввина туһалаах сүбэтин билсиэҕиҥ:
— Наһаа сыата суох эти – кууруссаны, индейканы ылыҥ. Бу организмҥа олус туһалаах. Ону таһынан балыктан эмиэ минньигэс шашлыгы бэлэмниэххэ сөп. Ол гынан баран, араас эти булкуйбакка, биир суорду талар ордук. Тоҕо диэтэххэ, куртах элбэх эт булкаһыгын куһаҕаннык «буһарар» уонна сарсыныгар доруобуйаҕыт туруга соччото бэрдэ суох буолуон сөп.
Шашлык маринадыгар дьаабылыкалаах уксууһу эбэтэр лимон суогун туһаныахха сөп. Чеснок, луук, розмарин, хартыыһа, корица, имбирь, паприка, хара биэрэс курдук тумалары туттуҥ.
-Грильгэ буһарарга оҕуруот аһыттан кукурузаны, цуккинины, биэрэһи, помидоры, оттон фольгаҕа буһарарга хортуоппуйда ылыҥ. Сибиэһэй оҕуруот астарыттан оҕурсу, помидор, биэрэс хайаан да наадалар.
Доруобуйаҕыт туругар туох эрэ кыһалҕалаах эбэтэр ыйааһыҥҥыт нуорманы аһарар буоллаҕына, эти килиэби, хортуоппуйу, мокуруону кытары булкуйар сыыһа.
Ол оннугар элбэх үүнээйи аһылыгын сиэн баран, шашлыкка ылсыҥ. Оҕуруот аһын кытта күөх үүнээйи олус туһалаах.
Шашлык наһаа хараара буспатыгар кыһаллыҥ. Харааран хааллаҕына, ону быһан ылан быраҕыҥ.
Хаарыаннаах шашлыккытын “кетчунезанан” буортулаамаҥ. Ол оннугар эт минньигэһин биллэрэр гынан бэйэҕит соуста оҥостуҥ.
Шашлыгы арыгыны кытары булкуйумаҥ.
Доруобай буолуҥ!
Бүгүн, ыам ыйын 21 күнүгэр, Саха Өрөспүүбүлүкэтигэр Ырыа күнэ. Ырыа күнэ Ил Дархан Айсен Николаев…
Кэнники сылларга Арктика тэтимнээхтик сайдыыта Хотугу сир аҕыйах ахсааннаах норуоттарын олохторун үгэс буолбут укулаатын уонна…
Нам улууһугар нэһилиэнньэлээх пууннар халаан уутуттан эмсэҕэлээтилэр, билигин даҕаны үгүс дьиэни уу ылан турар. Кэбээйи…
Удачнай куорат олохтооҕо итирэн баран хаттаан уруулга олорон, массыынатын конфискациялатта. Бу туһунан СӨ Борокуратууратын пресс-сулууспата…
Ил Дархан Айсен Николаев "Россия 24" ханаалга быһа эпииргэ тахсан, өрөспүүбүлүкэҕэ халаан туругун туһунан Нам…
Бүгүн, ыам ыйын 21 күнүгэр, өрөспүүбүлүкэ арҕаа, соҕуруулуу-арҕаа, соҕуруу улуустарыгар сөҥүүлээх, сөкүүндэҕэ 15-20 миэтэрэ түргэннээх…