Швейцарияттан кэлбит турист Муомаҕа тиийбит

Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит турист этэҥҥэ Муома Саһырыгар олунньу 14 күнүгэр  тиийбитин  туһунан  СӨ Быыһыыр сулууспата иһитиннэрдэ.

Санатан эттэххэ, Беста Мацей Збигнев  Победа хайатын дабайар былааннаах. Хайа үрдүгэ 3003 миэтэрэ. Турист альпинизмынан дьарыктаммыт, улахан уопуттаах уонна соҕотоҕун айанныырын сөбүлүүр. Мацей Беста Саха сирин Быыһыыр сулууспатыгар бэлиэтэммит, куттал суох буолуутун туһунан инструктаһы ааспыт. Кини ханна сылдьарын спутник ситимин нөҥүө биллэрэ туруоҕа.