Хаартыска М.Петрова дьиэтээҕи альбомуттан
Горнай улууһугар Бэрдьигэстээх олохтооҕо, култуура бэтэрээнэ Марфа Николаевна Петрова дьиэ сибэккитин үлуһүйэн, умсугуйан туран үүннэрэр. Кини сибэкки дьикти, нарын абылаҥар куустаран, үүнээйитин арааһын сыллата элбэтэр.
–Сибэккини, дьэ, сөбүлээн таптаан үүннэрэбин. Ордук өр турар сибэккилээхтэри олордобун. Ол курдук бегониялар араастарыттан олордубутум уонча сыл буолла.
Биэс сыллааҕыта Даниловтар ааттарынан Духуобунас киинэ сибэкки олордооччуларга күрэс ыыппытыгар кыайыылаах буолбутум. Онно Дьокуускай куоракка «Зеленый рай» сибэкки маҕаһыыныттан сэртипикээт биэрбиттэрэ. Маҕаһыынтан бегониялары ылбытым, сылын аайы умнаһыттан саҥардан иһэбин.
Бегония, герань, катарантус , глоксиния араас көрүҥнэрэ уонна мас буолар үүнээйилэр араастара алаһа дьиэбин киэргэтэллэр.
Сибэккини бүөбэйдииргэ кистэлэҥнэрбиттэн үллэстэбин. Сибэккилиир үүнээйилэрбин кыра иһиккэ олордобун, оччоҕо сибэккитэ хойуу буолар. Бегониялары,глоксиниялары уутун кыралаан буора арыый куурбутун кэнниттэн кутабын. Ыйга биирдэ кыра саахардаах уунан уонна биирдэ-иккитэ НВ-101 уоҕурдуунан эбии аһатабын. Миэстэлэрин хамсаппаппын, бегония да, глоксиния да миэстэтин хамсатары сөбүлээбэттэр.
Итиэннэ хас биирдиилэригэр болҕомто уурар, таптыы, хайгыы сылдьар оруола муҥура суох. Үүнээйигэр болҕомтону ууран, куруук кэпсэтэ сылдьыахха наада.
Айталина Санникова,
Горнай, Бэрдьигэстээх.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …