Сибэкки сипсиэрэ

Сибэккилэр киһи олоҕун тупсарыахтарын эбэтэр төттөрүтүн оҥоруохтарын сөп.

Үүнээйилэр үс эйгэни — ууну, маһы уонна сири кытта ыкса сибээстээхтэр. Мас киһи сайдыытыгар улахан оруоллаах. Уу ону-маны билэргин-көрөргүн, эмоцияҕын салайар. Сир эрэли биэрэр. Хас биирдии үүнээйи бэйэтэ тус-туһунан өйдөбүллээх.

Акация — кистэлэҥ таптал араҥаччыта диэн суруйаллар. Астра — нарын-намы санааны биэрэр. Гвоздика эрэллээх буолууну үөскэтэр. Крокус  дьиэҕэ үөрүүнү-көтүүнү аҕалар, гладиолус дьиэ кэргэҥҥэ истиҥ сыһыаны үөскэтэр, ирис дьолго эрэллээх буолуу бэлиэтэ, ноготки кэргэнниилэргэ күнүүһүт буолар санааны уһугуннарар, пион санаарҕабылы элбэтэр, сирень үүммүт сиригэр киһи олус бэриниилээх буолар, кыһыл тюльпан ситиһиини аҕалар, алтан төбө тапталлааххар бэриниилээх буоларгын күүһүрдэр, львиный зев сымыйа уонна аһыныгаһа суох буолуу символа.

Үүнээйибит кэпсээнэ итинник диэн суруллар. Итэҕэйиэххэ да, итэҕэйимиэххэ да сөп. Ким хайдах саныырынан.

Саха ыалын халандаарыттан, 2007 с.