Сибэккини сотору-сотору көһөрдөххө

Сибэккини сотору-сотору көһөрдөххө, сүрдээҕин оҕустарар, аһааҕырар.

Ордук күһүн тымныы түспүтүн, сырдык аччаабытын кэнниттэн ыараханнык ылынар. Алыс улахан иһиккэ көһөрүллүбэт. Турбут иһититтэн арыый обургу буолла да сөп. Улахан иһиккэ олортоххо, ордук буора аһыйан, сыттанан-сымарданан киирэн барар. Сытырҕалаан көрдөххө аһыы сытынан аҥылыйар. Буор силиһи кытары ыкса ситимнээх буоллаҕына эрэ сибэккитэ ас биэрэр. Амариллис, фиалка, эухарис кыра иһиккэ олордуллуохтаахтар. Кинилэр силистэрэ үүнэн-сайдан, иһиттэрин толордоҕуна эрэ сибэккилииллэр. Розалар, филодендроннар, пальмалар эмиэ. Иһит хайаан да дренажтаах буолуохтаах, манна мас бөдөҥ чоҕо да барсар, кини таас курдук мээнэ сыппат, баһаамы үлэлиир. Үөн үөскээбит эрээри, буор аһыы сыта суох буоллаҕына, үөһээҥҥи үрүт араҥаны баһан ылан быраҕабын, итиэннэ ыраас, сибиэһэй буорунан толоробун.

Е.Гаврильева-Сибэкки Дуунньа

«Үрдүк үүнүү кистэлэҥэ» кинигэтиттэн

«Айар» кинигэ кыһата, 2023 с.