Сибиинньэҕэ киһи тииһин үүннэрэн таһаардылар

Билим ханна тиийбэтэҕэй! Соторутааҕыта учуонайдар киһи тииһин үүннэрэр таһаардылар диэн сонун иһилиннэ.

Бастаан киһи уонна сибиинньэ килиэккэлэрин комбинациялаан, сибиинньэлэргэ үүннэрдилэр. Ол туһугар киһи түспүт тииһиттэн ньиэрбэтин килиэккэлэрин ылан, сибиинньэ тахса илик тиистэрин эпителиальнай килиэккэлэрин кытта холбообуттар. Ол кэннэ учуонайдар бу килиэккэлэри анал каркаас иһигэр укпуттар уонна улахан сибиинньэ сыҥааҕар импланнаан уган кэбиспиттэр.

Хас да ыйынан биотиистэр дьиҥнээх тиис үүнэр сайдыытын ааспыттар уонна  үкчү да буолбатар, киһи тииһигэр маарынныырдар тахсыбыттар.

Инникитин хамаанда тиис сайдыытын уһуннук кэтиир санаалаах, килиэккэнэн лабораторияҕа үүннэрбэккэ быһа киһи сыҥааҕар үүннэрэр былааннаах. Онон кэлиҥҥи уонунан сылларга түспүт тиис оннугар киһи дьиҥнээх тииһин үүннэрэр кыах көстөрүгэр эрэнэбит.