Роман Вильфанд: Сибииргэ уонна Уһук Илиҥҥэ күн-дьыл туруга кутталланар….

Сибиирдээҕи федеральнай уокурук эрэгийиэннэригэр күүстээх сөҥүү түһүөҕэ, оттон Саха сиригэр хаһыҥ түһэрэ күүтүллэр. Бу туһунан Арассыыйа Гидрометкиинин научнай салайааччыта Роман Вильфанд ТАСС-ка иһитиннэрдэ.

«Новосибирскай уобаласка чугастааҕы күннэргэ салгын температурата 25-26 кыраадыс туруоҕа, итиэннэ күүстээх ардах, самыыр, этиҥнээх ардах түһэрэ күүтүллэр. Маннык балаһыанньа Томскай, Омскай, Кемеровскай уобаластарга эмиэ буолуоҕа. Красноярскай кыраайга күүстээх ардах, этиҥнээх ардах, тобурах, тыал түргэнэ сөкүүндэҕэ 18 м. диэри күүһүрүөҕэ. Иркутскай уобаласка эмиэ самыырдаах ардах, бөдөҥ тобурах уонна этиҥнээх ардах түһэрэ күүтүллэр», — диэтэ кини.

Гидрометкиин салайааччыта эбэн эппитинэн, Саха сиригэр хаһыҥныыр, түүнүн салгын температурата 0 уонна минус 1 кыраадыска диэри түһэр. Забайкальскай кыраайга эмиэ минус 1 кыраадыска диэри хаһыҥ түспүтэ бэлиэтэммит. «Камчаткаҕасир хамсааһына буолан ааста, оттон билигин олус күүстээх самыыр түһэрэ күүтүллэр, ол аата өрүстэр таһымнара үрдүүрэ сабаҕаланар», — диэн түмүктээтэ метеоролог.