Салгыы
Сиэйэ Уола: «Сырдык аартык арылыннын»

Сиэйэ Уола: «Сырдык аартык арылыннын»

Ааптар:
03.11.2022, 11:58
Бөлөххө киир:

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 59-с кыттааччыта  Виктор Иванов-Сиэйэ Уола:

Сырдык аартык арылыннын

Саатар тылбынан этиим…
Кыһанарбын билиниим,
Көҥүллээн дуу бичийиим,
Сиилээмэҥ дуу- диим!

Тоҕо баҕас соһуччутай,
Ылан барар судургутай,
Уолаттары долгуттаҕай,
Сэрии буолан уолуттаҕай.

Харах уута аргыстаах,
Утуйбатах сылаалаах,
Ис кутугар кыланыылаах,
Атаарара ИЙЭ кыһыылаах.

Хайдах гынан уоскутабыт,
Тугу булан тобулабыт,
Өйү-төйү сааһылыыбыт
Бары бииргэ буолабыт.

Өркөн өйдөөх эппитинии,
Киэҥ көҕүстээх буолуох дииринии,
Туораттан саҥата суох иһиллии,
Туруоҥ дуо?- билигин ама дии…

Ийэ сүрэҕэ долгуйбатын,
Таптыыр оҕото уолуйбатын,
Сырдык аартык арылыннын,
Аар алгыс эйэни аҕаллын!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: