Сиэйэ Уолун «Сылаас салгына»

Share

Итинник ааттаах Виктор Иванов-Сиэйэ Уолун айар кэнсиэрэ икки чаас устата бүгүн  үрдүк таһымнаахтык ааста.

Сиэйэ Уола норуот ырыаһыта диэн мээнэҕэ эппэттэр. Саала иһэ тобус-толору. Биһиги түөрт чаастан буолбут бастакы кэнсиэригэр сырыттыбыт. Виктор тыл суолтатын таба өйдөөн, ис дууһатыттан ылынан, дьиҥнээхтик турукка киирэн ыллыыр. Ол иһин хас биирдии ырыатын толоруута дьэ, ырыаһыт бэйэтэ эппитин курдук,киһи салгын кутун күн уотун сылааһыныы сырдыгынан сыдьаайарынан уратылаах. Онон истэ олорон кутаа уотугар атаххын иттэ олорор курдук, ип-итии дьайар эбит. Ити кэнсиэргэ олорон атаҕым икки чааһы тулуйбакка, кыайан хамсаппата буолуо дии санаабытым, ырыаларынан угуттанан, атахпар соһуллубакка туран соһуйдум, бэйэм да билбэппинэн эмтэнэн хааллым.

Бу күн Виктор үс сыл устата айбыт саҥа ырыаларын толордо. Барыта мэлдьи да буоларын курдук истиҥнэр. «Сардаана» ырыатын саха театрын опера уонна балет солистката М.Потапова арфаҕа доҕуһуоллаата. Онон Виктор Иванов бу да сырыыга айар кэнсиэрэ көрөөччүлүүн биир ситимҥэ киирдэ. Бу хас биирдии ырыаһыкка ыллыҥ да кыаллан испэтэ чуолкай. Викторбыт хас биирдии ырыатын быһааран, кэпсээн биэрдэ. Онно истибиппитинэн биэс уолламмыттар. Таптал,ийэҕэ, аҕаҕа, айылҕаҕа, төрөөбүт дойдуга махтал тылларынан иэйиилээх ырыаларыгар Сиэйэ Уолугар — Виктор Ивановка Махтал! Таптал! Эрэл! тылларынан кэнсиэртэн дуоһуйбут санаабытын үллэһиннибит.

Марта Николаева

Recent Posts

  • Байыаннай эпэрээссийэ
  • Сонуннар
  • Уопсастыба

Байыастарга олунньу 23 күнүгэр анаан бэлэхтэри ыыттылар

Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…

12 минут ago
  • Быһылаан
  • Бэрээдэк
  • Сонуннар

Дьуһуурунай борокуруор: өлүктэр көһүннүлэр, харчыны уорбуттар…

Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…

36 минут ago
  • Байыаннай эпэрээссийэ
  • Сонуннар
  • Сүрүн

Күн сылааһын уонна эйэни түстүүр аналлаах – «КүнЭйэ»

Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…

42 минуты ago
  • Байыаннай эпэрээссийэ
  • Сонуннар
  • Уопсастыба

Бүгүн — Аҕа дойду тас өттүгэр ытык иэстэрин толорбут интернационалист буойуттар күннэрэ

Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…

48 минут ago
  • Култуура
  • Сонуннар

Ийэ тыл күнүгэр Өксүү кинигэтэ сүрэхтэннэ

Дьокуускай куорат "Арчы" духуобунай киинин үлэһитэ,  алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…

2 часа ago
  • Сонуннар
  • Тыа хаһаайыстыбата
  • Уопсастыба

“Элбэх үүт ыаннаҕына – элбэх бородууксуйа оҥоһуллуоҕа”

“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…

2 часа ago