Сиэннэри иитии иһин биэнсийэни үрдэтэргэ этии киллэрдилэр

Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар.

Бэлиитиктэр сиэннэрин көрөр-харайар уонна иитэр гражданнарга биэнсийэ баалларын эбэргэ этии киллэрдилэр. Бу туһунан докумуону РИА Новости таһаарда.

«Биир сиэннээх гражданнарга, кинилэр саастарыттан тутулуга суох, сылга 1,8 баал кээмэйдээх үрдэтиллибит биэнсийэ баалын аныырга этиллэр. Баал кээмэйэ сиэн ахсааныгар сөп түбэһиннэрэн улаатыахтаах», — диэн сурукка суруллубут.

Сергей Миронов  дойдуга уустук демографическай балаһыанньаҕа элбэх оҕолоох ыаллар судаарыстыба өйөбүлүгэр наадыйалларын, онно аҕа көлүөнэ бэрэстэбиитэллэрэ сиэннэрин иитиигэ уонна хааччыйыыга улахан оруолу оонньуулларын чопчулаата.

Кини бэлиэтээбитинэн, билигин биэнсийэни үрдэтэргэ табыгастаах түгэн. Бу хайысхаҕа бастакы хардыы кэнниттэн эбээлэри уонна эһээлэри өйүүр ордук туһаайыллыбыт уонна киэҥ далааһыннаах миэрэлэр ыытыллыахтаахтар.