Хаартыска: Марианна Сивцева тиксэриитэ.
«Өлгөм үүнүү — сибиэһэй ас дэлэйэ» диэн оҕуруот аһын хайдах олордон, биэбэйдээн, көрөн-истэн өлгөм үүнүүну ылар туһугар Сииттэ Далбар Хотуттарыгар аналлаах бэртээхэй тэрээһини ыыттыбыт.
Нэһилиэкпит тарбахха баттанар оҕуруотчута Наталья Левина оҕуруот аһыттан саҕалаан отонноох талахтарга тиийэ кэпсээтэ, бэйэтин уопутуттан үллэһиннэ. Кэнники кэмҥэ Сииттэ хаһаайкалара араас, кэрэ өҥнөөх сибэккилэри үүннэрэн, дьиэлэрин таһын симиир буоллулар. Соҕуруу дойдуга үүнэр сибэккилэри үгүс ыал тэлгэһэтигэр көрөр буоллубут. Таһыттан көрдөххө, бары өттүн толору баһылаан эрэллэр.
Бу күн арассаада арааһа атыыланна. Ол курдук, помидор хас да көрүҥэ, дьэдьэннэр, биэрэстэр уонна, биллэн турар, сибэкки арааһа. Бу интэриэһинэй уонна олус наадалаах тэрээһиммитигэр өрөспүүбүлүкэбит биллэр оҕуруотчута Сибэкки Дуунньа селекциялаан бэлэмнээбит сиэмэлэрин арассаадаларынан быыстапка оҥоһулунна. Саҥа саҕалааччыларга олохтоох бибилэтиэкэ сэбиэдиссэйэ Мария Обутова бэртээхэй кинигэ быыстапкатын тэрийдэ уонна биктэриинэ ыытта.
Кыайыы 80 сылынан нэһилиэкпит тэрилтэлэрин уонна искибиэрдэрин сибэккинэн симиэҕиҥ диэн кэрэ аҥардарга ыҥырыы таһаардыбыт. Тэрээһиҥҥэ сылдьыбыт хаһаайкалар элбэх наадалаах субэлэри иҥэринэн, астынан, махтанан тарҕастылар.
Марианна Сивцева.
Өбүгэлэрбит өйдөбүллэринэн, бу кэмтэн кыһын тыына биллэн барар. Дириҥ күһүн бүтэһик күннэрин олорон, айылҕа улуу…
Бүгүн, алтынньы 7 күнүгэр, Саха сиригэр кыралаан хаардыыр, Усуйаана улууһугар сорох сиринэн хойуутук хаар түһүөҕэ,…
Нерюнгри куорат борокуратуурата түөрт киһи холуобунай дьыалатынан буруйдуур түмүгү бигэргэттэ. Кинилэр РФ холуобунай кодексатын 159 …
Ханнык баҕарар киһи бу орто дойдуга олоҕо араастык ааһар. Прасковья Осиповна эринээн Бүөтүрдүүн үс оҕону…
Киһи тыҥата 1 чааска ортотунан 5-17 лиитирэ углекислай гааһы, 50 грамм ууну таһаарар. Мүнүүтэҕэ ортотунан…
Сокуоннай сааһын ситэ илик оҕо уопсастыбаннай миэстэҕэ түүннэри сылдьара сэрэхтээх. Киниэхэ бэйэтигэр даҕаны, ону сэргэ…