Хаартыска: Марианна Сивцева.
Сииттэ нэһилиэгин олохтоохторо чөл олоҕу тутуһар буоланнар, манна спортивнай күрэхтэһиилэр элбэхтик ыытыллаллар.
От ыйын 7 күнүгэр Сииттэҕэ футболга күрэхтэһии буолан ааста. Күрэхтэһиини нэһилиэк ыччаттара Иван Сивцев уонна Никита Павлов көҕүлээн, тэрийэн ыыттылар. Көрөөччүлүүн, кыттааччылыын 50-ча киһи кэлбит.
«Оҕолор 4 хамаандаҕа хайдыһан кииристилэр, бары кыайыы көтөллөнүөхтэрин баҕараллара өтө көстөр. Олус тыҥааһыннаах, сытыы киирсиилээх оонньуулары астына- дуоһуйа көрдүбүт. Күрэхтэһии түмүгүнэн Адам Аргунов хамаандата бастакы миэстэни, иккис миэстэни Лева Попов, үһүс миэстэни Дима Павлов уонна төрдүс миэстэни Салим Расулов хамаандалара ыланнар, тэрийээччилэр анал грамоталарынан наҕараадаланнылар», — диэн диэн кэпсиир Сииттэтээҕи Сынньалаҥ киинин дириэктэрэ Марианна Сивцева. «Биһиги ыытар тэрээһиннэрбитигэр ыччаттар, оҕолор маннык үөрэ-көтө, көхтөөхтүк кытталларыттан олус үөрэбит уонна астынабыт. Олохтоох дьон кэлэ-бара дьарыктанныннар, доруобуйаларын тупсардыннар диэн нэһилиэк ортотугар баар спортивнай былаһааккабыт аана өрүү аһаҕас. Манна оҕолор, ыччаттар хаһан баҕарар мустан, оонньоон-көрүлээн, дьарыктанан ааһаллар».
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…