Сииттэҕэ харыйа уота сандаарда

Сииттэ нэһилиэгэр  «Кыһын Саха сириттэн саҕаланар» бэстибээл чэрчитинэн  кырачааннарбытыгар  анаан нэһилиэкпит күлүмүрдэс харыйатын уматыы үөрүүлээх тэрээһинэ буолан ааста.

“Үгэс быһыытынан кырачаан дьону баһылык солбуйааччыта Петр Степанов, Тымныы оҕонньор сиэн кыыһынаан эҕэрдэлээтилэр. Мультфильм аптаах дьоруойдара  оҕолору кытта  флешмоб үҥкүүнү тэбис-тэҥҥэ үҥкүүлээн тэйдилэр, саҥа дьыллааҕы харыйа тула хоробуоттаатылар. Саҥа сыл үтүөну, кэрэни эрэ аҕаллын диэн туран, кэлбит ыалдьыттарбытыгар, кырачааннарбытыгар минньигэс бэлэх туттартаан олус үөртүбүт. Тэрээһиммитин хаартыскаҕа түһүүнэн түмүктээтибит”, — үөрэ-көтө санаатын үллэһиннэ Марианна Сивцева.