Хаартыска: Марианна Сивцева тиксэриитэ.
Норуоттар сомоҕолоьууларын күнүгэр Сииттэ нэһилиэгэр олохтоох култуура дьиэтин үлэһиттэрин көҕүлээһиннэринэн, «Олоҥхо дойдутун оҕотобун» диэн күрэхтэһии тэрилиннэ. 2026 сылга Кэбээйи улууһугар Олоҥхо ыһыаҕа буолуохтаах, онно бэлэмнэнии үлэлэр, мунньахтар хайыы-үйэ ыытыллан эрэллэр.
“Бүгүҥҥү тэрээһиммитигэр 21 уолан уол көхтөөх кыттыыны ылан, астынныбыт, сүргэбит көтөҕүлүннэ, — диэн кэпсиир А.В. Аргунов аатынан Норуот айымньытын, култууратын дьиэтин дириэктэрэ Марианна Сивцева. — Уолаттар биир дойдулаахпыт, Арыылаах бөһүөлэгин олохтооҕо, Ноговицын Федор Филиппович суруйбут бэртээхэй ис хоһоонноох олоҥхолорун олус эппиэтинэстээхтик сыһыаннаһан үөрэппиттэр. Федор Ноговицын 3 оҕолоох, оскуола-уһуйааҥҥа харабылынан үлэлиир, киниэхэ улахан махталбытын тиэрдэбит.
Күрэхпит муҥутуур кыайыылааҕын аатын онус кылаас үөрэнээччитэ Сайан Сивцев сүктэ. Иккис миэстэни 4 кылаас үөрэнээччитэ Демид Расулов, үһүс бочуоттаах миэстэни Дима Егоров ылыан ыллылар. Кыайыылаахтар бары култуура дьиэтин үлэһиттэрин ааттарыттан харчынан бэлэх тутан үөрүүлэрэ үксээтэ. Марианна, Иван Захаровтар туруорбут «Бастыҥ дьүһүйүү” анал ааттарын иккис кылаас үөрэнээччитэ Саша Слепцов ылан астынна. Күрэххэ уолаттарын барытын кытыннарбыт Сардана Гуляева уонна Агафья Дьяконова кылаастарыгар анал аат иҥэриллэн, харчынан бэлэх туттулар. Олоҥхону өрө туппут уолаттарбытын мустубут дьон бука бары дохсун ытыстарын тыаһынан эҕэрдэлээтилэр.
Уолаттар күрэхтэрин өйөөбүт олохтоох дьаһалта баһылыгар Семен Тимофеевка, Сииттэ орто оскуолатын дириэктэригэр Андрей Новгородовка, кылаас салайааччыларыгар Агафья Дьяконоваҕа, Евдокия Винокуроваҕа, Ульяна Петроваҕа, Сардана Гуляеваҕа, Анастасия Сидороваҕа, Сардана Обутоваҕа, Захар Кривошапкиҥҥа, Мария Иннокентьевнаҕа, Римма Винокуроваҕа, Александра Степановаҕа, Анна Сивцеваҕа, кыттааччыларбыт көхтөөх төрөппүттэригэр, ону тэҥэ «Чуораанчык» уһуйаан сэбиэдиссэйигэр Ольга Александроваҕа, иитээччилэргэ Мария Новгородоваҕа, Галина Гуляеваҕа, Нария Алексееваҕа, тэрээһиннэрбитин өйөөн спонсордыыр, үтүө санаалаах урбаанньыттарбытыгар Ольга Левинаҕа, Софья Николаеваҕа, Елена, Константин Александровтарга, күүс-көмө буолар «Алаһа» эбээлэр кулууптарыгар Мотрена Васильеваҕа, Анна Сивцеваҕа, Наталья Гуляеваҕа, Надежда Ермолаеваҕа, Татьяна Герасимоваҕа, Мария Обутоваҕа ис сүрэхтэн махтал маанытын аныыбыт”.
Олорор сирдэрин уларытыахтарын баҕарар дьоҥҥо Госөҥөлөргө “Жизненная ситуация” диэн сервис аһылынна диэн РФ бырабыыталыстыбатын аппараатын…
Ньурбаҕа "Эбээ Маайа" ханаал тэриллибитэ биэс сылын бэлиэтээтилэр. 2019 с. дойдуга Тыйаатыр сылыгар СӨ үтүөлээх…
Кэбээйи улууһугар биллэриллибит “Бары бииргэ” Аахсыйаҕа Чагдатааҕы “Тускул” сынньалаҥ киинэ кыттыста. [gallery ids="165402,165403"] Ньидьили нэһилиэгэр…
Алтынньы ый 28 күнэ. Ил Дархан Дьокуускай баһылыга Евгений Григорьевы кытта дойду Бэрэсидьиэнэ Владимир Путин…
“Смотри, это Россия!” Бүтүн Арассыыйатааҕы куонкуруска 72 эрэгийиэнтэн 460 сайаапка киирбит. Куонкурус бэһис сезонугар видеороликтары…
Дьокуускайга автосервис клиена полицияҕа сайабылыанньа суруйбут. Эр киһи ыйыллыбыт күҥҥэ өрөмүөн кэнниттэн массыынатын ыла тиийбит,…