Сииттэҕэ олоҥхону оройуттан туталлар

Сииттэ нэһилиэгэр олохтоох култуура дьиэтин үлэһиттэрин көҕүлээһиннэринэн «Олоҥхо төрдө — олоххо» диэн алын кылаас оҕолоругар аналлаах, алта түһүмэхтэн турар  сонун күрэхтэрдээх тэрээһин буолан ааста.

Олоҥхо дэкээдэтин олохтоох дьаһалта баһылыгын солбуйааччыта  Петр Степанов арыйда. Кырачааннарбыт  сахалыы оһуор үҥкүүнэн тэрээһини арыйдылар. Бу күн оҕолорбут олоҥхо туһунан олус элбэҕи биллилэр-көрдүлэр, астына дуоһуйа оонньоотулар, күрэхтэстилэр.

Билигин кырачааннарбытыгар олоҥхо өйдөбүлүн оонньуу нөҥүө эрэ билиһиннэрэр сыалтан тэрилиннэ. Кыайыылаах хамаандалар минньигэс бэлэх тутан үллэһиннилэр, махтанан, астынан тарҕастылар.

Марианна Сивцева.