Хаартыска: Марианна Сивцева тиксэриитэ.
Сииттэ олохтоохторо үһүс сылларын байыаннай дьайыыга сылдьар уолаттарга төрөөбүт астарын-үөллэрин, сылаас таҥаһы тиһигин быспакка ыыта олороллор.
Бу үлэни сүрүннээн А.В. Аргунов аатынан Норуот айымньытын, култууратын дьиэтин дириэктэрэ Марианна Сивцева көҕүлээн ыытар.
“Бу сайын от ыйын бүтүүтэ волонтер кыргыттарбын кытта кучу оту үргээбиппит. Ол иннинэ куоракка баран анаан-минээн оту сууйарга, эргитэ сылдьан салгыҥҥа хатарарга үөрэнэн кэлбитим. Спортсаалаҕа биир нэдиэлэ курдук эргитэ сылдьан куурдан баран, ийэлэри ыҥыран ыраастаабыппыт, духуопкаҕа буһаран ылбыппыт. Арассыыйа былааҕын күнүгэр анаан ылларбыт хаа иһиппэр укпуппут, таһыгар “Сииттэ эмтээх отторо” диэн этикеткалаабыппыт. Барыта 90-ча иһит буолбута.
Бу бэҕэһээ бүтэһик чэйдээх иһиттэри икки дьааһыкка уган итиэннэ отучча сибиэһэй куһу “Якутия с тобой” ыстаабка ыыттыбыт. Кустары бүгүн Санкт-Петербурга илдьибиттэрин истэн, үөрэн олоробун.
Быйыл тураах сугуна эмтээҕин истэн, хомуйан 20 кг сироп оҥорон ыыппыппыт. Оҕолор ууга куттулар да, иһэллэрин курдук. Бу сотору үлэбэр таҕыстахпына, наскы, бэргэһэ баайыахпыт. Былырыын 100-тэн тахса үтүлүгү тигэн ыыппыппыт”, — диэн Марианна Семеновна кэпсээнин түмүктээтэ.
Сииттэттэн кэлэр аһы-үөлү, таҥаһы-сабы “Якутия с тобой” ыстааб үлэһиттэрэ бэркэ билэллэр, куруук үөрэ көрсөллөр. “Олус наадалаах чэй кэлбит, уолаттарбыт итии чэй иһэн абыраныахтара”, — диэн үөрүүлэрин үллэстэллэр. Сииттэ сэргэх дьонугар доруобуйаны, уолаттара кыайан-хотон дойдуларыгар кэлэллэрин баҕараллар.
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…