Хаартыска: Марианна Сивцева тиксэриитэ.
Күн-дьыл туран биэрэн, ханна баҕарар отчуттар күөх быйаҥы сомсон хааллылар. Сииттэ нэһилиэгэр отчуттар былааннаммыт отторун күөхтүү ыланнар үөрүүлэрэ улахан.
Ол курдук чааһынай отчуттар Василий Сивцев, Альберт Ноговицын, Прокопий Степанов, Спиридон, Владимир, Александр Сивцевтар, Семен Новгородов, Егор Иванов, Анатолий, Андрей Поповтар, Вячеслав Попов, Николай Винокуров, Владимир Александров, Григорий Яковлев, дьон сакааһын кытта бэйэлэрин кыстыыр отторун сүүс бырыһыан толорон олороллор. Элбэх сүөһүлээх бааһынай хаһаайыстыбалартан Семен, Мотрена Васильевтар уонна оҕолоро Марианна, Иван Захаровтар отторун былаанын толорон, кыстыкка эрэллээхтик үктэннилэр. Анна, Тимофей Тимофеевтар нэһилиэкпитигэр эмиэ биир улахан чааһынай хаһаайыстыбаны тутан олорор ыал буолар. Кинилэр өбүгэлэрин сиэрин утумнаан сыл аайы уолаттарын, сиэннэрин кытта илиинэн оттуур үгэстээхтэр, 10-тан тахса кэбиһиилээх оту ходуһа аайы дьэндэттилэр. Көрөргө да астык. Илиинэн оттуур өссө биир бастыҥ дьиэ кэргэнинэн Степан, Михаил, Иван Обутовтар буолаллар.
Быйыл сир, оҕуруот аһа төһө да аҕыйах буоллар, хаһаайкалар кыһыны туоруур битэмииннэрин толору булунан олороллор. Быйыл тэллэй үүнэн дьону үөртэ. Аны мантан күһүн хортуосканы хостуур, кыстыкка бэлэмнэнэр улахан үлэлэр күүтэллэр. Сииттэлэр үчүгэй сайын буолла диэн үөрэллэр, айылҕаларыгар махтаналлар.
Марианна Сивцева.
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…