Хаартыска: Марианна Сивцева тиксэриитэ.
Сииттэ нэһилиэгэр олохтоох дьаһалта баһылыга Семен Тимофеев 2024 сыллааҕы үлэтин отчуоттуур мунньаҕар олохтоохтор тоҕуоруһа муһуннулар.
Баһылык туох үлэ барбытын, ханнык үлэ-хамнас түмүктэммитин, туох ситиһиилэр баалларын дьонугар-сэргэтигэр атах тэпсэн олорон аһаҕастык кэпсээтэ. Нэһилиэк тэрилтэлэрин салайааччылара эмиэ сыллааҕы үлэлэрин-хамнастарын бар дьонноругар отчуоттаатылар. Нэһилиэк сайдыытыгар үтүө кылааттарын киллэрсибит көхтөөх, бастыҥ дьоҥҥо Семен Тимофеевич наҕараадалары туттартаата.
Маны сэргэ олохтоох нэһилиэк дьокутааттара «Үтүө санаа харыйата» аахсыйаҕа кыттыыны ыллылар. Кинилэр доруобуйаларынан хааччахтаах оҕолорго бэлэхтэри туттардылар.
“Саҥа дьылынан араас интэриэһинэй күрэхтэһиилэри тэрийдибит, — диэн кэпсиир А.В. Аргунов аатынан Норуот айымньытын, култууратын дьиэтин дириэктэрэ Марианна Сивцева. — Ол курдук кэтэх хаһаайыстыбалаах дьиэ кэргэттэргэ анаан көрдөөх «Балбаах шоу-2024», «Сделано в СССР» ретро Саҥа дьыллааҕы муннук, тэрилтэ таһын киэргэтии, “Саамай уһун моҕой” диэн бэртээхэй күрэхтэһиилэр ыытылыннылар.
Саҥа дьыллааҕы дьоро киэһэҕэ кыралыын-улаханныын 140 киһи сырытта. Төһө да билиҥҥи балаһыанньанан сэмэй тэрээһини тэрийдэрбит, кэлбит дьон астына ыллаһан, үнкүүлэһэн, олохтоох дьаһалта туруорбут бэртээхэй лотереятыгар көхтөөхтүк кыттан, тэрийээччилэргэ махтал тыл бастыҥын тиэртилэр. Үһүс сылын Семен Тимофеевич култуура үлэһиттэрин тэрээһиннэрин өйөөн, бэртээхэй бириистэринэн көҕүлүүрүгэр улахан махтанабыт.
Өссө тэрилтэнэн үҥкүү күрэҕэ буолан ааста. Сииттэ орто оскуолатын (дир. А. Новгородов) «Чуораанчык» уһуйаан (сэб. О. Александрова), олохтоох балыыһа (сэб. А. Павлова) уонна дьаһалта кэлэктиибэ (баьылык С.Тимофеев) көхтөөх кыттыыны ыллылар. РФ уонна СӨ доруобуйатын харыстабылын үтүөлээх үлэһиттэрэ Иванова Мария Герасимовна, Ольга Степановна Попова күөх Моҕой сылыгар төрөөбүт биир дойдулаахтарбытын көҕүлээннэр, тэрээһиннэрбитин өйөөннөр, харчы хомуйан спонсордаабыттарыгар, итиэннэ тэрээһиммитигэр, күрэхтэрбитигэр көхтөөхтүк кыттыбыт дьоммутугар-сэргэбитигэр улахан махталбытын тиэрдэбит”.
Удачнай куорат борокуратуурата дьахтар үҥсүүтүнэн бэрэбиэркэни ыытта. Силисэтийэҕэ быһаарыллыбытынан, сайабылыанньалаах бөлөх чаатыгар хаартыска таһаарбыт, онно…
Саха сирин сорох улуустарыгар бу нэдиэлэҕэ нуорматтан таһынан сылаас күн-дьыл буолара сабаҕаланар. Уус-Маайа улууһугар салгын…
Кэбээйи улууһун борокуратуурата Сангаар бөһүөлэгин олохтооҕун утары холуобунай дьыалаҕа буруйдуур түмүгү бигэргэттэ. Кини РФ Холуобунай…
Үлэ киниискэтигэр сыыһа-халты суруйуу биэнсийэҕэ тахсар болдьоҕун хойутатар. Бу туһунан Арассыыйа үтүөлээх юриһа Иван Соловьев…
Дьокуускай куорат 3 №-дээх полициятын отделын дьуһуурунай чааһыгар биир эр киһи массыынатыттан харчытын уорбуттарын туһунан…
“Бүлүү” уонна “Халыма” федеральнай суолларга өрүһү туоруур тиэхиньикэлэргэ таһаҕастарын уйуга үрдэтиллибитин туһунан “Бүлүү” Упрдор иһитиннэрдэ.…