Хаартыска: Өрөспүүбүлүкэтээҕи уопсастыбаннай доруобуйа уонна мэдиссиинискэй профилактика кииниттэн
Табаһыттар сийиэстэрин дэлэгээттэрэ доруобуйаларын көрдөрөллөр.
Бу СӨ доруобуйа харыстабылын министиэристибэтэ тэрийдэ. Онон ыраахтан кэлбит дьоҥҥо туһалаах айан-сырыы, тэрээһин буолара саарбахтаммат.
Бу күннэргэ кинилэр терапевка сырыттылар. Ону сэргэ, кардиолокка, эндокринолокка, невролокка, онколокка, стоматолокка, гинеколокка, офтальмолокка, травматолокка, ЛОР көрдөрдүлэр. Маны сэргэ, өссө анаалыстарын туттардылар, УЗИ, КТ, МРТ ааһа көппөтүлэр.
Ол түмүгэр уопсайа 136 киһи сылдьыбыта бэлиэтэннэ. Мантан 126 улахан киһи, 10 оҕо. Миэдиктэр иһитиннэрбиттэринэн, 39 киһи сиһилии чинчийэн көрүүгэ ыытыллыбыт.
Онон бу күннэргэ Анаабыр, Абый, Алдан, Булуҥ, Дьааҥы, Үөһээ Халыма, Эдьигээн, Кэбээйи, Муома, Аллараа Халыма, Өлүөхүмэ, Орто Халыма, Өлөөн, Томпо, Уус Маайа, Усуйаана, Эбээн Бытантай уонна Нерюнгри улуустарын бэрэстэбиитэллэрэ доруобуйаларын бэрэбиэркэлэттилэр.
«Биһиэхэ, бу ыраахтан кэлэ сылдьар дьоҥҥо, элбэх бырааска көрдөрүү — улахан ситиһии. Биһиги туспутугар кыһаллан маннык тэрээһини тэрийбит доруобуйа харыстабылын министиэристибэтигэр улаханнык махтанабыт», — диэн Өймөкөөн улууһун Үчүгэйиттэн кэлбит табаһыт Василий Ашеин үөрүүтүн үллэстэр.
Өрөспүүбүлүкэтээҕи уопсастыбаннай доруобуйа уонна мэдиссиинискэй профилактика киинин, фтизиатрия, килиниичэскэй балыыһа, 2 №-дээх балыыһа уонна Дьокуускайдааҕы онкодиспансер күүстэринэн ыраахтан кэлбит дэлэгээттэр доруобуйаларын көрүү тэрилиннэ.
СӨ Ил Дарханын уонна Бырабыыталыстыбатын пресс-сулууспата
Хаартыскалар: Өрөспүүбүлүкэтээҕи уопсастыбаннай доруобуйа уонна мэдиссиинискэй профилактика киинин тиксэриилэрэ
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…