Баһылыктар сийиэстэрэ саҕаланна

Share

Бүгүн, кулун тутар 30 күнүгэр, Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын IX сийиэһэ аһылынна. Сийиэскэ 400-н тахса нэһилиэк уонна улуус баһылыктара дэлэгээт быһыытынан кытта сылдьаллар.

IX сийиэс аһыллыытыгар Муниципалитеттар икки ардыларынааҕы бииргэ үлэлээһин ассоциациятын бэрэссэдээтэлэ Михаил Соров эҕэрдэ тылы эттэ.
Сийиэс бастакы чааһыгар Ил Түмэн бэрэссэдээтэлэ Алексей Еремеев, СӨ Бырабыыталыстыбатын Бэрэссэдээтэлин солбуйааччы Ольга Балабкина, Москва куорат Троицкай куоратын уокуругун баһылыгын олохтоох бэйэни салайыныыны сайыннарыыга сэбиэтин чилиэнэ, Москва куорат муниципальнай тэриллиилэрин бэрэссэдээтэлэ Владимир Дудкин эҕэрдэ тыл эттилэр.
Саха сирин Степной Дууматын төрүттээччи Иван Емельянович Мигалкин аатынан олохтоммут мэтээли олохтоох бэйэни салайыныы сайдыытыгар киллэрбит кылааттарын иһин Бүлүү улууһун баһылыгар Сергей Винокуровка, Нам улууһун баһылыгар Юрий Слепцовка туттардылар.
Мигалкин мэтээлэ Саха Өрөспүүбүлүкэтин муниципальнай тэриллиилэрин сэбиэтин үрдүкү наҕараадатынан буолар.
СӨ Бырабыыталыстыбатын Бэрэссэдээтэлин солбуйааччы Ольга Балабкина олохтоох бэйэни салайыныы сайдыытыгар кылааттарын иһин Өрөспүүбүлүкэ Баһылыгын Махтал суругун Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын бэрэссэдээтэлэ Михаил Соровка туттарда.
Салгыы Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын бэрэссэдээтэлэ Михаил Соровка сэбиэт ааспыт сыллардааҕы үлэтин түмүгүн кэпсээтэ. Бу сэбиэт саҥа бэрэссэдээтэлин уонна бырабылыанньа чилиэннэрин талар, отчуоттуур-быыбардыыр сийиэс пленарнай мунньаҕа буолар.
Сийиэс иккис чааһыгар Саха Өрөспүүбүлүкэтин муниципальнай тэриллиилэрин сэбиэтин – Муниципалитеттар икки ардыларынааҕы бииргэ үлэлээһин ассоциациятын саҥа бэрэссэдээтэлин таллылар. Дэлэгээттэр бары биир киһи курдук куоластаан саҥа бэрэссэдээтэлинэн Чурапчы улууһун баһылыгын Степан Саргыдаевы таллылар.
Саҥа талыллыбыт бэрэссэдээтэл: «Мин эрэнэбин, барыбыт күүһүнэн туруоруллубут соруктары толоруохпут уонна нэһилиэктэрбит, оройуоннарбыт, өрөспүүбүлүкэбит сайдарын туһугар үлэлиэхпит», -диэн эрэнэрин биллэрдэ.

Мария Васильева (СИА) хаартыската
What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Саха сиригэр халаантан эмсэҕэлээбиттэргэ өйөбүл олохтоохтук оҥоһулларын бэлиэтииллэр

Бу күннэргэ Ил Дархан Айсен Николаев халааҥҥа эмсэҕэлээбит Нам уонна Өлүөхүмэ улуустарыгар сылдьан, халааҥҥа эмсэҕэлээбит…

20 минут ago
  • Байыаннай эпэрээссийэ
  • Сонуннар
  • Уопсастыба

Бултаабыт кустарын байыаннай дьайыы кыттыылаахтарын дьиэ кэргэттэригэр бэлэх ууннулар

Чурапчы улууһун баһылыга Степан Саргыдаев уонна "Аҕа дойдуну көмүскээччилэр" пуонда көҕүлээһининэн, дьаһалта эр дьоно уонна…

49 минут ago
  • Сонуннар
  • Уопсастыба

Оо, сайылык барахсан!

Саха киһитигэр самаан сайын кэлиитэ, сайылыкка көһүү кэрэ да өйдөбүл буоллаҕа! Аар айылҕа ситэн аҕай…

1 час ago
  • Сонуннар

Сунтаарга сүппүт киһини көрдүүллэр

Устьеҕа мастыы сылдьыбыт киһи сүппүтүн туһунан иһитиннэрбиттэрин  улуус дьаһалтатын пресс-сулууспата суруйар. - Олорбут үүтээнигэр халыҥ…

2 часа ago
  • Сонуннар
  • Уопсастыба

Биир дойдулаахпыт Кузбасс бырабыыталыстыбатын бэрэссэдээтэлинэн ананна

Кузбасс бырабыыталыстыбатын бэрэссэдээтэлинэн  Саха сириттэн төрүттээх Андрей Панов ананна. Панов  Кемеровскай уобалас губернаторын уматык-энергетическэй комплекска,…

2 часа ago
  • Сонуннар
  • Сүрүн

Бүгүн – Ньукуолун таҥара күнэ

Ньукуолун сыллата ыам ыйын 22 күнүгэр бэлиэтэнэр. Православнай бырааһынньыктартан биир ордук суолталаахтара. Халыҥ муус халбарыйан,…

2 часа ago