Силээннээххэ болдьоҕун иннинэ үксүн балыксыттар куоластыыллар

Усуйаана улууһун Силээннээх национальнай нэһилиэгэр (Сайылык сэл.) балаҕан ыйын 14 күнүгэр нэһилиэк баһылыгын быыбара буолуохтаах.

Быыбардыыр бүлүтүөҥҥэ икки хандьытаат аата киирэ сылдьар.

Балаҕан ыйын 3 күнүттэн 615 №-дээх учаастактааҕы быыбардыыр хамыыһыйа (бэрэссэдээтэл Степанова Жанна Николаевна) УБХ дьиэтигэр болдьоҕун иннинэ куоластааһыны саҕалаата. Балаҕан ыйын 4 күнүттэн дьиэттэн олорон куоластааһыҥҥа сайабылыанньалары ылаллар.

УБХ бэрэссэдээтэлэ Жанна Степанова иһитиннэриитинэн, болдьоҕун иннинэ үксүн балыктыы барааччылар куоластыыллар. Ону кытта ким уоппускаҕа, эмтэнэ барааччы куоластыыр.

Быыбардыыр учаастакка барытын ыйар-кэпсиир истиэндэ ыйанан турар. Кистэлэҥ куоластааһыны бары тутуһаллар, бүлүтүөннэр быраабыла быһыытынан хараллаллар, диэн иһитиннэрэр Быыбар киин хамыыһыйата.