Мария Васильева хаартыската, ЯСИА.
Дьокуускай куорат суутунан, урут суутана сылдьыбыт Азербайджантан төрүттээх киһи, РФ Холуобунай Кодексын 291 ыстатытайтын 4 чааһын «б» пуунунан, 30 ыстатыйатын 3 чааһынан (дуоһунастаах киһиэхэ атын киһи нөҥүө улахан кээмэйдээх бэрик биэрэ сатааһын) буруйдааҕынан билиннэ. Бу туһунан Саха Өрөспүүбүлүкэтин сууттарын холбоһуктаах пресс-сулууспата иһитиннэрэр.
2023 сыл тохсунньутугар буруйданааччы, атын күүһүлээһини кытары сибээстээх холуобунай дьыала силиэстийэтинэн хаайылла сытан, кини дьыалатынан дьарыктанар силиэдэбэтэлгэ 1 мөлүйүөн солкуобай харчыны бэрик биэрэ сатаабыт. Бу харчы сокуоннайа суох дьайыылары оҥорорго, ол эбэтэр чуолаан хаайыллар дьаһалы сымнатыыга уонна СИЗО-ҕа көрсүһүүнү тэрийиигэ анаммыта. Буруйданааччы бэриги атын киһи нөҥүө, сымыйанан иэс биэрбит курдук көрдөрөн биэрэрдии былааннаабыт. Силиэдэбэтэл харчыттан аккаастаммыт уонна бу туһунан салайааччытыгар даакылааттаабыт, ол кэннэ суһал-көрдүүр тэрээһин ыытарга быһаарыы ылыллыбыт. Ол сыл олунньутугар буруйданааччы, бары дьайыылара видеокамеранан уһуллалларын билбэккэ, силиэдэбэтэлгэ өссө төгүл бэрик биэрии туһунан эппит.
Суукка сууттанааччы киһи буруйун билиммэтэх, ол эрээри кини дайыылара, ол иһигэр вещественнай дакаастабыллар (илиинэн суруллубут суруктар), суут экспертизаларын түмүктэрэ уонна туоһулар көрдөрүүлэрэ дакаастаатылар.
Суутунан буруйданааччы РФ Холуобунай кодексын 30 ыстатыйатын 3 чааһынан, 291 ыстатыйатын 4 чааһын «б» пуунунан буруйдааҕынан билинилиннэ уонна 7 сыл 6 ый көҥүлэ быһылынна.
Уопсай түмүгүнэн Дьокуускай куорат суутун 2023 сыл сэтинньи 10 күнүнээҕи эрдэтээҥи бириигэбэрин кытта холбоон, 20 сылга, ол иһигэр 2 сылга хааччахтаах, кытаанах эрэсиимнээх хаайыыга утаарылынна.
Бириигэбэр сокуоннай күүһүгэр киирэ илик.
Сүрэххэ саамай туһалаах оҕуруот аһынан төгүрүк луук буоларын кардиолог быраастар быһаарбыттара. Ол курдук бу оҕуруот…
Бүгүн, балаҕан ыйын 26 күнүгэр, Мэҥэ Хаҥалас улууһун Бырама нэһилиэгэр суол саахала тахсыбытын туһунан ИДьМ…
Археологтар Дьокуускай куорат пааркатыгар былыргы киһи олорбут сирин буллулар. Бу туһунан ТАСС иһитиннэрэр. Быһа холоон …
Саха Өрөспүүбүлүкэтин Судаарыстыбаннаһын өрөгөйдөөх күнүн көрсө, балаҕан ыйын 26 күнүгэр, кырдьаҕас Чөркөөххө үтүө тэрээһиннэр ыытылыннылар.…
Ньурба улууһугар М.С.Егоров аатынан 1-кы №-дээх оскуолаҕа бастакы кылаас үөрэнээччитэ халтарыйан охтон эчэйбит. Ньурба улууһун…
Маринуйдаммыт хаппыыста Туох ирдэнэрий: хаппыыста – 5 киилэ, эриэппэ луук – 1 киилэ, моркуоп –…