Силиэстийэлиир управление үлэһитэ Ньурбаҕа аһымал тэрээһиҥҥэ кытынна

Ньурба улууһун силиэстийэлиир салаатын үлэһитэ, юстиция полковнига Василий Каратаев уопуттаах силиэдэбэтэл, ону таһынан эдэрдэргэ сүбэ-ама буолар настаабынньык уонна талааннаах ырыаһыт. Бэс ыйын 11 күнүгэр кини доруобуйаларынан хааччахтаах оҕолор VI-с  аһымал «Будь со мною вместе» кэнсиэртэригэр кытынна.

Тэрээһини Ньурба улууһун социальнай көмүскэл управлениета тэрийбит.  Василий Петрович сэттэ саастаах Айсен Самсоновы кытта дуэт толордулар. Ньурба улууһун силиэдэбэтэллэрин кэллэктиибин аатыттан оҕоҕо грамота уонна бэлэх туттарбыттар. Тэрээһин олус сэргэхтик ааспыт. Аһымал кэнсиэр атыыламмыт билиэттэрэ доруобуйаларынан хааччахтаах оҕолорго көмө быһыытынан ыытыллыбыт.