Салгыы
“Сильные идеи для нового времени” пуорумҥа эрэгийиэҥҥэ уон бастыҥ кэккэтигэр киирбит бырайыак

“Сильные идеи для нового времени” пуорумҥа эрэгийиэҥҥэ уон бастыҥ кэккэтигэр киирбит бырайыак

29.01.2024, 19:30
Хаартыска: iroipk-sakha.ru
Бөлөххө киир:

Аныгы кэмҥэ учуутал ханна баҕарар тиийбэт. Кыра, аҕыйах үөрэнээччилээх оскуолаларга ити ордук сытыытык турар. Маны быһаарар инниттэн С.Н. Донской-II аатынан СӨ үөрэҕи сайыннарар уонна идэ таһымын үрдэтэр институт “Многопрофильнай учуутал” диэн бырайыагы көмүскээн, былырыын “Сильные идеи для нового времени” пуорумҥа кыттан, эрэгийиэҥҥэ уон бастыҥ бырайыак быһыытынан талыллыбыт.

Үөрэҕи сайыннарар уонна идэ таһымын үрдэтэр институт дириэктэрэ Ньургун Павлов бырайыак туһунан маннык кэпсиир:

— Тыа сирин кыра оскуолаларыгар биир учуутал хас даҕаны биридимиэти үөрэтэр. Биһиги бу бырайыакпыт онно анаан учууталлары бэлэмниир соруктаах. Холобур, үрдүк үөрэхтээх математика учуутала идэлээх киһи, физиканы, информатиканы эмиэ үөрэтиэн сөп. Ол эрээри, анал үөрэҕэ суоҕун быһыытынан, “Многопрофильнай учуутал” бырайыагынан институт учуутал идэтин хайысхатын уларытарыгар (переподготовка) усулуобуйаны тэрийэр соруктаах.

Бырайыагы СӨ үөрэҕи сайыннарар уонна идэ таһымын үрдэтэр институт бэйэтэ толкуйдаан, “Сильные идеи для нового времени” пуорумҥа киллэрбит. Өрөспүүбүлүкэҕэ уон бастыҥ бырайыак кэккэтигэр сүүмэрдэнэн, былырыыҥҥыттан үлэлэрин саҕалаабыттар. Тыа сирин уустук суоллаах-иистээх, ыраах, көс уонна кыра кэмпилиэктээх оскуолалар хас биридимиэт аайы учууталы тутар кыахтара суох. Чаастара аҕыйаҕын быһыытынан, биир учуутал хас даҕаны биридимиэти үөрэтэрэ кыаллар суол. Онон маннык түгэҥҥэ учууталлары туспа бэлэмнээһин ирдэнэр. Бырайыак чопчу тустаах кыһалҕаны быһаарарга туһаайыллар. Быйыл өссө чочуйан, үөрэх бырагыраамаларын оҥорон күүскэ үлэлэтэр былааннаахтар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 67% Скорость ветра: 2 м/с

Сообщить об опечатке

Текст, который будет отправлен нашим редакторам: