Хаартыска: www.sakha.gov.ru
“Сильные идеи для нового времени” пуорумҥа быйыл Саха сирэ төрдүс төгүлүн кыттыаҕа. Тэрээһин 2021 сылтан ыытыллар.
Стратегическай көҕүлээһин агенствотын уопсастыбаннай бэрэстэбиитэлэ, Саха сиринээҕи координатора Варвара Васильева:
— Аан дойду уларыйда, саҥа кэм үүннэ, Арассыыйа таһымнаах саҥа идиэйэ, бырайыак, бренд ирдэнэр. Биһиги номнуо дойду таһымынан толкуйдуохтаахпыт. Норуоттан тахсар идиэйэлэр дойдуга улахан суолталаахтар. Онон сибээстээн 2022 сыллаахха дойду бэрэсидьиэнэ Владимир Путин пуорум сыллата ыытылларын туһунан Ыйаахха илии баттаабыта”, — диэн “Актуальнай интервью” биэриигэ эттэ.
“Платформаҕа 60 тыһ. бэйэтин идиэйэтин, бырайыагын киллэрбит барыта 400 тыһ. тахса киһи бэлиэтэниини ааста. Устуоруйаны ылан көрдөххө, Саха Өрөспүүбүлүкэтиттэн 500 бырайыак киирбитэ. Бу уопсай ахсаантан уонча бырыһыана буолар.
Олус интэриэһинэй бырайыактары, идиэйэлэри киллэрэллэр. Көннөрү идиэйэлэринэн эбэтэр номнуо олоххо киирбит бырайыактарынан ким баҕарар сайаапка биэриэн сөп.
Быйыл уларыйыы киирдэ — Метабырайыак уонна Мегабырайыак баар. Мегабырайыак диэн эрэгийиэннэр икки ардыларынааҕы түмсүүлэр майгыннаһар биир бырайыак, идиэйэ, сөп түбэһэр сэргэх түгэннэр тула санааларын түмэн үлэлэһиэхтэрин сөп. Итини таһынан, Метаидея диэн баар. Бу олус интэриэһинэй. Хас биирдии киһи ыра санаалаах. Бу баҕа санаа олоххо киирэрин туһугар дойду барыта, эрэгийиэн барыта ыраланар кыахтаах. Холобур, 2022 с. Арассыыйа куонкуруһун “Семейный МФЦ” бырайыак кыайбыта.
Саха сириттэн ким баҕарар көннөрү идиэйэнэн да, олоххо киирбит өйөммөтөх бырайыагынан даҕаны кыттыан сөп. Быйылгы тэрээһин уопсайа 7 хайысхалаах”, — диэн координатор кэпсиир.
Санатан эттэххэ, “Сильные идеи для нового времени” пуорумҥа сайаапкалары тохсунньу 31 күнүгэр диэри туталлар. Арассыыйаны уонна Саха сирин сайыннарар идиэйэлэрдээх дьон — оскуола оҕолоро, устудьуоннар, олохтоох дьон, кэмиэрчэскэйэ суох уонна судаарыстыбыннай тэрилтэлэр ыытыахтарын сөп. Куонкуруска сайаапканы идея.росконгресс.рф саайтка ылаллар.
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…