Сим каартатыттан матымаары 400 тыһ. солк. сүтэрбит

Алдан улууһун олохтооҕо түөкүттэр ыйыыларынан 400 тыһыынча солкуобай кэриҥэ харчытын сүтэрдэ.

ИДЬМ отделыгар Алдан улууһугар 49 саастаах сыбаарсык түөкүттэр харчытын уорбуттарын туһунан тыллаабыт. Эр киһи быһаарбытынан, киниэхэ суотабай хампаанньа бэрэстэбиитэлэ буолан кубулунан түөкүттэр эрийбиттэр. Сымыйа менеджер сим каарта болдьоҕо бүтэн эрэр диэн быһаарбыт, онон дуогабар уһатыллыан наадатын эппит. Уһатыллыбат түгэнигэр сим каарта үлэтэ тохтотулларын, оттон нүөмэрин атын киһиэхэ атыылаан биэрэллэрин туһунан сэрэппиттэр. Ити кытта сымыйа менеджер мобильнай төлөпүөҥҥэ ыраахтан олорон настройкалыырга  анал сыһыарыы хачайдаан туруорарга сүбэлээбит. Ол кэннэ кини харчытын барытын устан ылбыттар.  Уопсайа түөкүттэр 396 000 солк. уорбуттар.

Полицияҕа эр киһи кэпсииринэн,  түөкүттэр араас ньымаларын туһунан эрдэ билбитин да үрдүнэн, тоҕо түөкүттэргэ итэҕэйбэтин сатаан быһаарбатах.