Хаартысканы Марта Николаева тиксэрдэ
РФ, СӨ культуратын үтүөлээх үлэһитэ, өрөспүүбүлүкэтээҕи саха норуотун уус-уран оҥоһуктарын «Симэх» киинин директора Яна Викторовна Игнатьеваны бары билэллэр.
Кини саха уустарын, иистэнньэҥнэрин, маастардарын үлэлэрин Арассыыйаҕа, Саха сиригэр элбэх быыстапканы тэрийэн, маастардарга суолу арыйыыга үтүмэн үлэни ыыта сылдьар.
«Старый город» олбуоругар маастардарга аналлаах беседканы туттарда. Бу тутууну ыытарга норуот бүддьүөтэ бырайыакка кыттан кыайан, бэртээхэй түһүлгэтигэр маастардар сайыҥҥы өттүгэр үлэлииллэригэр, 12 сэргэнэн тулаламмыт беседка бар дьон болҕомтотун тарта.
От ыйын 4 күнүгэр беседканы арыйыы үөрүүлээх күнүгэр сарсыардаттан сайыҥҥылыы итии куйаас сатыылаата. Элбэх ыалдьыт кэлэн Яна Викторовна саҥа тутуутугар махтал тылларын анаатылар. Дьокуускай куорат Думатын бэрэссэдээтэлин солбуйааччы Евдокия Евсикова, СӨ Правительствотыттан судаарыстыбаннай быраап департаменын салайааччыта Ольга Романова, Саха АССР искусствотын үтүөлээх деятелэ, оһуокайдьыт С.А.Зверев-Кыыл Уола төрөппүт кыыһа, СӨ үтүөлээх учуутала, учууталлар энциклопедияларын таһаарааччы ааптара В.С.Иванова, о.д.а. элбэх киһи тыл эттэ. Алгыс сиэрэ-туома оҥоһулунна. Маастардар беседкаларын лиэнтэтин Яна Викторовна Игнатьева уонна Еадокия Ивановна Евсикова быстылар.
Яна Викторовна айымньылаах үлэтигэр махтанан туран, саха норуотун уус уран оҥоһуутун сайдыытыгар өссө сыралаһан үлэлииригэр баҕардылар.
Марта Николаева
Бүгүн Нерюнгригэ буола турар ыһыах иккис күнэ ыраас чаҕылхай халлааннаах туран, тула - үөрүү-көтүү бырааһынньык.…
Быйылгы Олоҥхо ыһыаҕар Гаврил Колесов аатынан Норуот айымньытын киинин фольклорга исписэлииһэ Аксиния Степанова улахан дьоҥҥо…
От ыйын 4 күнүгэр 1-кы Тыыллыма нэһилиэгэр бэлиэ күн үүннэ. Ол курдук, Павел Федорович Игнатьев-Тимир…
От ыйын 3 күнүгэр 14:55 баһаарынай-быыһыыр сулууспаҕа Нам улууһун Ымыйахтаах сэлиэнньэтин Эриэҥкэй диэн сиригэр массыына…
Нерюнгри оройуонугар 18-с төгүлүн ыытыллыбыт Олоҥхо ыһыаҕа түмүктэнэр чааһа кэллэ. Ыһыах сүрүн тэрээһинин - олоҥхону…
Таатта ытык сиригэр үктэммит ыалдьыкка анаан видео. Видео Таатта улууһун дьаһалтата, норуот айымньытын дьиэтэ, улуустааҕы…